RORELTUHAI 13:20 - Pathien Lekhabu Inthieng (BSI)

²⁰ Mâichâma inthawka meichawk chu vântieng ân tung lai chun LALPA vântirko chu mâichâma meichawka chun a tungin a fe tah a; Manoa le a nuhmei chun an thlîr zing a, hnuoia chun an bawkkhup dêr el tah a.

RORELTUHAI 13:20 ပူးပေါင်းရင်းမြစ်များ

INṬANNA 17:3

Chun, Abram chu a bawkkhup tah a; chun, Pathienin ama chu a biek a,

2 LALHAI 2:11

Chun, an fe pei a, an la ṭawng zing laiin, ngai ta, mei sakawr taw- lailîr le mei sakawrhai a hung inlang a, chu chun anni chu an kâra tlain a ṭhe tah a; chun, Elija chu thlivira chun vânah a lâwn tah a.

1 CHANCHIN SUINA 21:16

Chun, David chu a hung dâk suok a, LALPA vântirko hnuoi le vân kâra ngîr chu a hang hmu tah a; a kâwlhnâm phawi sain, Jerusalem tienga bân pharin a hmuh a. Chun, David le upahai chu saiip puon an sil a, an hmaia hnuoi sikin an bawk tâwl tah a.

1 CHANCHIN SUINA 21:21

Chun, David chun Ornan a hung pan chun Ornan chun a hei en a, David chu a hmu a, hrizâwla inthawk chu a hung suok a, a hmaia hnuoi sikin David hmaa chun a kûn tah a.

1 CHANCHIN SUINA 21:26

Chun, Davidin chutaka chun mâichâm chu LALPA ta dingin a siem a, pumrawhmang thilinhlân le, in- remna thilinhlân chu ân hlân a, LALPA chu a ko tah a; chun, ama chun vâna inthawk chun pumraw- hmangna mâichâm chungah meiin a zuk dawn tah a.

INPÂKNA HLABU 47:5

Pathien chu khêkri leh a hang feh a, LALPA chu tawtawrâwt ri leh a hang fe tah.

EZEKIEL 1:26

An luhai chunga, vân chunga chun, lalṭhungpha ang, sapphir lung anga inlang a um a; lalṭhungpha angtak chunga chun mihriem anga inlang a um a.

EZEKIEL 1:28

Ruo sûr nia sûma sumrisâng inlang angin, a vêla varna inlang dân chu a um a. Hi hi LALPA ro- puina angpui inlang dân chu a nih. Chun, chu chu ka hmu phing chun, bawkkhupin ka tlu a, chun, mi pakhat râwl thu hung hrilin ka hriet a.

DANIEL 10:9

A thuhril ri chu ka la hriet ta rawp a: chun, a thuhril ri chu ka hriet phingleh, hnuoitienga ka hmai in- nghatin ka bawkkhup a, inhniktakin ka in tah a.

LEVI DÂN 9:24

LALPA hmaa inthawk chun mei a hung suok a, pumrawhmang thilinhlân le a thâuhai chu mâichâma chun a kâng hmang tah a; chu chu mipui po poin an hmu chun an khêk dur dur a, an bawkkhup ta ṭhuop a.

MATTHAI 17:6

Inchûktirhai chun chu chu an hrietin bawkkhupin an tluh a, an ṭi ta bêk bêk a.

HEBRAIHAI 1:3

Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.

RORELTUHAI 6:19

Gideon chu a lût tah a, kêlte le beiphit epha khat chawl ṭhanglo a buotsai tah a; a sa chu leikhâwrah a sieh a, a tui chu bêlah a sieh a, thingsaisuo hnuoiah a kuoma chun a hung chawi a, a hung inhlân a.

RORELTUHAI 6:21

Chuongchun, LALPA vântirko chun a hmawl chawi hmawr chun sa le chawl ṭhanglo bei chu a hei tâwk a; chun, lunga inthawk chu mei a hung suok a, sa le chawl ṭhanglo bei chu a kâng hmang vawng a; chun, LALPA vântirko chu a mithmua inthawk chu a fe hmang tah a.