RORELTUHAI 1:15 - Pathien Lekhabu Inthieng (BSI)

¹⁵ Ama chun a kuomah, “Thilpêk mi pe rawh, Simtieng rama i mîn umtir ta si hin chu tui hnâr neihai mi pe la,” a tih a. Chuongchun, Kaleb chun tui hnâr nei thlanghnunghai le sakhnunghai chu a pêk tah a.

RORELTUHAI 1:15 ပူးပေါင်းရင်းမြစ်များ

INṬANNA 33:11

Pathienin a mi lunginsiet a, ka nei ṭeu leiin lunginsiettakin ka thil hung pêk che hi chu pawm rawh,” a tih a. Chuong ang chun a thlêm a, ama chun a pawm tah a.

2 KORINTH 9:5

Chuleiin, unauhai hi, thilpêk in itiemlâwk kha lo siem lâwk dinga in kuoma hung hmasa dinga ngên ṭulin ka ring a nih, chu ngei chu lâkpêk ang ni loa, phal taka pêk ang lemin inzosaa a lo umna dingin.

HEBRAIHAI 6:7

Hnuoi, a chunga ruotui tla rawp lo dâwn taa, thloa a umna sanhai ta dinga thlai fâk tlâk hung insuotu chun, Pathiena inthawkin malsâwm- na a hmu hlak a nih.

JOSUA 15:19

Ama chun, “Mal mi sâwm rawh, simtieng rama i mîn umtir ta si hin chu tui hnâr neihai khawm mi pe sa rawh,” a ta. Chuongchun, tui hnâr nei sakhnunghai le tui hnâr nei thlang- hnunghai chu a pêk tah a.

1 PETER 3:9

Suol suolin thung naw unla, halna halna bawkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.

RORELTUHAI 1:14

Aksa chun Othniel kuom a va tlung chun a pa kuomah ram hni dingin ama chu a thlêm a; chun, a sabengtung chunga inthawk chun a ṭum a, Kaleb chun a kuomah, “Ieng am i dita le?” a lo tih a.

RORELTUHAI 1:16

Chun, Mosie tarpupa Ken thla- hai chu Arad sim tienga Juda ram thlalêra chun Juda thlahai leh tûm khawpuia inthawk chun an hang feh a; anni lai chun an hang um ve tah a.

1 SAMUEL 25:18

Chun, Abigail chun inhmâwtak- in, bei tlang za hni le uoin peng hni leh, berâm panga suong el dinga inzo sa hieu leh, beiphit bûk nga leh, grêp ra em ṭâwl bâwr za leh, theichang hlawm za hni leh a lâkkhâwm a, sabengtung ân phurtir a.

1 SAMUEL 25:27

Chun, hi ka pu ta dinga i siehlawin lâwmman ka hung chawi hi ka pu hung zuitu tlangvâlhai hi pêk ni raw se.