ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22 - Pathien Lekhabu Inthieng (BSI)

²² Lunginsenna bêl bohmang tlâkhai chunga chun, Pathienin a lunginsenna le a thilthawtheina inlangtir nuom sien khawm, a daw hrâm hrâm chun ieng am pawi a ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22 ပူးပေါင်းရင်းမြစ်များ

INṬANNA 15:16

Chun, suon linaa chun hitaka hin hung kîr nâwk an tih, Amorhai suolnahai hi a la kim hri si nawh,” a ta.

INPÂKNA HLABU 90:11

Tuin am i lunginsenna thilthawtheizie hreha, Nangma ṭi dingzie anga i lunginsenna hrie le?

FESUOKNA 9:16

nisienlakhawm, hi thilthaw kawng ngeihaia hin ka thilthawthei- nahai chu nangmaa inentir a ni theina ding le khawvêl po poa ka hming chu phuongdar a ni theina dingin ka la dawmngir zing che a ni hi.

THUVARHAI 16:4

LALPA chun thil tinrêng hi san nei sengin a siem a, Anih, mi khawhlo ngei khawm chu ni ṭha nawa dingin.

ṬAP HLA 3:22

A lunginsietna chun a tlin naw naw leiin, LALPA zângaina leiin sukbohmangin ka um hri nawh a.

NAMBAR 14:11

Chuongchun, LALPAIN Mosie kuomah, “Hieng mipuihai hin ieng chen am mi ngainêp an ta, anni laia inchikna ka thaw hlak sa khawm ieng chen am mi ring loin an um ding a na? Hriin hrem ka ta, suklungzîng ka tih;

NAMBAR 14:18

‘LALPA chu lung inuoitak, zainêmna hau, rîtlonahai le bawsiet- nahai ngaidam hlak, thiemlo changhai insuoktir el ngailo, pahai rîtlona leia nauhai, nauhai nau nâwk chen, suon thumna le suon lina chen khawma hrem hlak a nih,’ ti kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:18

Thutak fel nawtaka dangtuhai Pathien ngaisak nawna le fel nawna po po chunga chun vâna inthawkin Pathien lungsen a hung inlang a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:17

Pathien Lekha Thuin Pharao kuomah, “Ahi lei ngawt hin ka tungding che a nih, nangmaa chun, ka thilthawtheina kân entir theina ding le khawvêl po poa ka hming ân thang theina dingin,” a ti sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:20

Nisienlakhawm, aw mihriem, Pathien sêl veitu chu tû ang am i ni lie? Thilsiem chun a siemtu kuomah, “Ieng dinga hieng anga i mi siem am a na?” a ti ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:21

Bepil tlang khata bêl pakhat hlutak, bêl pakhat hlu nawtaka siem dingin bêl hemtu chun bêl chungah thu a nei naw am a nih?

1 THESSALONIKA 2:16

sandam an ni theina dinga Jentailhai laia thu hril an mi khap hlak sih a, chuong anga an suol inkhi- na suksip rawp dingin, nisienla- khawm, lunginsenna chu an chungah a tâwp khâwk râwtin a hung tlung tah.

1 THESSALONIKA 5:9

Pathienin lunginsenna tuor ding ni loin, ei Lalpa Isu Krista zâra sandamna hmu ding lema a mi ruot a ni sih a.

2 TIMOTHE 2:20

Nisienlakhawm, in ropuia hin bûr le bêl rângkachak le tangkaruoa siem chau a um nawh a, thing le bepila siem khawm a um hlak a; ṭhenkhathai ngaihlut ding a um bawk a, ṭhenkhathai chu ngaihlut naw ding a um bawk.

1 PETER 2:8

“Tlûkna lung le dangna lungpui leh,” Thu chu an awi naw leiin an tlu sih a, chuong anga um dinga ruot an ni hrim bawk a.

1 PETER 3:20

Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi nawh a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.

JUDA 1:4

Mi tuhai amanih inrûka lût an um sih a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa nei- sun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.