ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31 - Pathien Lekhabu Inthieng (BSI)

³¹ Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin LALPA thu chu Abram kuomah mang angin a hung tlung a.

1 LALHAI 8:57

LALPA ei Pathien chu ei puhai kuoma a um ang khan ei kuoma hin um sienla, mi mâksanin mi thlathlam naw raw se;

2 LALHAI 6:16

Chun, ama chun, “Ṭi da ta la, anni tienga ṭhang nêk chun, eini tienga ṭhang an tam lem annâwm,” a ta.

1 CHANCHIN SUINA 19:15

Chun, Ammon thlahai chun Suria mihai chu an tlânsie ti an hriet phing chun, anni khawm chuong ang bawk chun a unaupa Abisai hmaa inthawk chun an tlânse ve tah a, khawpuia chun an lût tah a, Joab ruok chu Jerusalema chun a kîr nâwk tah a.

1 CHANCHIN SUINA 5:22

Mi tamtak chu thatin an um a, indona chu Pathien ta a ni sih a. Chun, anni chu an aia chun sala ṭhuoi anni hma po chun an um tah a.

INPÂKNA HLABU 118:6

LALPA chu keia tienga ṭhang a nih, ṭi naw ning: Mihriemin ieng am mi law thei an ta?

INPÂKNA HLABU 46:11

Sipaihai LALPA chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai LALPA chu ei kuomah a um a, Jakob Pathien chu ei kulbîng insâng a nih.

INPÂKNA HLABU 56:11

Pathien ka ring a, ṭi naw ningah, Mihriemin ieng am mi law thei an ta?

INPÂKNA HLABU 56:4

A thu ka inpâk Pathiena ngei chun. Pathien ka ring a, ṭi naw ningah; Tisa chun ieng am mi law thei a ta?

INPÂKNA HLABU 56:9

Ka ko pha che chun a mi dotuhai chu tlânsieng an tih. Hi hi ka hriet, Pathienin a mi ṭan hi.

ISAI 41:10

ṭi naw ro, kei in kuomah ka um sih a; lunginzîng naw ro, kei in Pathien ka ni sih a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 54:17

Nangma thawna dinga hriem sut hrim hrim ṭhahnem naw nih a, lei tinrêng thupawia nangma hung khing- tuhai che chu thiemnaw inchangtir i tih. Chu chu LALPA siehlawhai ro- chan chu a na, an felna chu ka kuoma inthawk a nih, LALPAIN a tih.

ISAI 8:10

Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um sih a,” tiin.

JEREMIA 1:19

Chuongchun, do an ti cheh a; amiruokchu, hne naw ni hai che; nangma sanhim ding chein i kuom- ah ka um sih a, LALPA chun a tih,” tiin.

JEREMIA 20:11

Nisienlakhawm, LALPA chu mi thilthawtheitak le ṭium angin ka kuoma chun a um a; chuleiin, a mi sukrinumtuhai chu insui thlûng an ta, hlawtling naw ni hai; vartaka an lo thaw ta naw leiin, anni chu kum- khuoa theinghil ta lo ding inza- puiuma chun inzak ngei an tih.

JEREMIA 42:11

In iṭitak Babulon lal chu ṭi naw unla, ama chu ṭi naw ro, LALPA chun a tih: a kuta inthawka sanhima san- dam ding cheuin kei in kuomah ka um zing sih a.

NAMBAR 14:9

LALPA chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; LALPA chu ei kuomah a um annâwm; anni chu ṭi naw ro,” tiin an hril a.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:5

Nisienlakhawm, ei fel nawnahai hin Pathien felna chu a suklang mawi zuol si chun ieng am hril ei ta? Pathienin mi a hrem hin, mi fel lo a ni am a nih? (Mihriem dân takin hril ta inla).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:1

Anleh, Abraham, tisa dâna ei thlatu chun a hmu ieng am hril ei ta?

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

JOSUA 10:42

chuong lalhai po po le an ramhai chu LALPA Israelhai Pathien chun Israelhai chu a dopui leiin Josua chun ṭum khata a lâk vawng an nih.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

1 SAMUEL 14:6

Chun, Jonathan chun, a râl- thuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; LALPA chun thil a mi thawpêk khiet rawi mawh; LALPA ta ding chun a tam amanih, a tlâwm amaniha sandam chu ieng- khawm a thei nawna a um chuong si nawh a,” a ta.