ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15 - Pathien Lekhabu Inthieng (BSI)

¹⁵ Ṭia um nâwk dingin suok nina thlarau in hmu a ni si nawh a; nau nina thlarau in hmu lem a nih; chu thlarau zâra chun, “Abba! (Pa)” tiin ei khêk hlak hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15 ပူးပေါင်းရင်းမြစ်များ

FESUOKNA 20:19

Anni chun Mosie kuomah, “Nangin kan kuomah thu hril la, ngai kan tih; Pathien ruok chun kan kuomah thu hril naw raw se. Chuong naw chun thîng kan tih,” an tih a.

ISAI 56:5

an kuomah ka in sûnga le ka kul sûnghaia chun naupasalhai le naunu- hmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

NAMBAR 17:12

Chun, Israel thlahai chun Mosie kuomah, “Ngai ta, kan bohmang a ni annâwm, kan se zo tah, kan se zo vawng tah annâwm.

MATTHAI 25:25

Chuongchun, ka ṭi a, ka fe a, i talent kha hnuoiah ka thup hmang a, en ta, i ta ngai kha i hmu nâwk hi,’ a ta.

MARKA 14:36

“Abba, (Pa,) tinrêng i thaw thei a, hi no hi ka kuoma inthawkin la sawn rawh; nisienlakhawm, keia thu ni loin, nangma thu thu ni lem raw se,” a ta.

LUKA 11:2

Chun, ama chun an kuomah, “In ṭawngṭai chun hieng ang hin ti ro, ‘Kan Pa, I hming inzaum raw se. I ram hung tlung raw se,

LUKA 22:42

“Pa, rem i ti chun, hi no hi ka kuoma inthawkin la hmang rawh; nisienlakhawm, keia thu ni loin, nangma thu thu ni lem raw se,” a ta.

LUKA 8:28

Chun, Isu a hmu phingleh a khêk a, a hmaah a bawkkhup a, râwl inringtakin, “Isu, Pathien Achung- hnungtak Naupa, kei le nang ieng am ei inzâwlna a um a? mi sawisa lul naw rawh, ka ngên che,” a ta.

LUKA 8:37

Chun, a vêl Gerasin mihai rama mi po po chun an ṭi ta bêk bêk leiin, ama chu an kuoma inthawka fe hmang dingin an ngên a; chun, lawngah a chuong a, a kîr nâwk tah a.

JOHAN 16:8

Ama chu a hung tlung chun suol thua dâm, fel thua dâm, rorêl thua dâm khawvêl an thiemnaw inhriettir a tih;

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

THILTHAWHAI 16:29

Chun, a vêngtu chun khâwn- varhai a lam a, ân châwm lût a, ṭia inthin pumin Paula le Sila hmaah a bawkkhup a.

THILTHAWHAI 2:37

Chun, chuong thu chu an hrietin an lungrilah sun ang an lo ni tah a, Peter le tirko danghai kuoma chun, “Unauhai, iengtin am thaw tâng kan ta?” an tih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:16

Thlarau ngei chun, eini thlarau leh, Pathien nauhai ei nih ti a mîn hriettir hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:23

Chu chau khawm chu ni loin, eini, Thlarau rahmasa neituhai ngei khawm hin, nau ei nina (ei taksa intlanna) chu nghâkin, eini meu khawm ei lungrilin ei inrûm sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:26

Chuong ang bawkin, Thlarau chun ei hrât nawnahaiah a mi ṭhang- pui hlak a; ieng anga ṭawngṭai ding am a ni ti ei hriet si nawh a; nisienlakhawm, Thlarau chun inrûm hril ruol loin a mi ṭawngṭai pêk hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4

Israel mi an ni sih a; nau nina dâm, ropuina dâm, thuthlung po po dâm, Dân pêkna dâm, Pathien rawngbâwlna dâm, thutiemhai po po an ta a nih;

1 KORINTH 2:12

Chuongchun, a thlâwna Pa- thien thil mi pêkhai chu ei hriet theina dingin, eini chun khawvêl thlarau ni loin, Thlarau Pathien kuoma inthawk chu ei hmu lem a nih.

2 KORINTH 11:4

Mi dang hungin Isu dang, a thu kan ihril ngai naw a hril a, thlarau danglam in la dawng ngai naw in dawngin, chanchin ṭha dang in ilâwm ngai naw chu in lâwmin in ngaithei pei el a ni maw?

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin inrûkin an lût a.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

EPHESI 1:5

Ama lungdit, a lâwmzâwng angin Isu Krista zârah ama ta dinga naua siem dingin a mi lo ruot lâwk tah a,

2 TIMOTHE 1:7

Pathienin ṭitna thlarau a mi pêk nawh a, thilthawtheina le hmangaina le lungril feltak neina thlarau a mi pêk lem a ni sih a.

HEBRAIHAI 2:15

thîna ṭi leia dam sûnga suoka um po pohai chu a sansuok theina dingin.

JAKOB 2:19

Pathien chu pakhat a ni ti i ring a ni maw? I ti ṭha, khawhrihai khawmin an ring a, an inthin hlak a nih,” tîng a tih.

1 JOHAN 4:18

Hmangainaa chun ṭitna hrim a um nawh; hmangaina famkimin ṭitna a hnawt suok lem hlak a nih, ṭitnaa chun hremna a um sih a; a ṭitu chu hmangainaah a la famkim naw a nih.