ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:14 - Pathien Lekhabu Inthieng (BSI)

¹⁴ Dân chu Thlarau tieng thil a nih ti ei hriet sih a; kei ruok chu tisa tienga mi, suol suoka zawr ta hnung ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:14 ပူးပေါင်းရင်းမြစ်များ

INṬANNA 37:27

Thaw ro, a chungah kut thlâk loin Ismael mihai kuoma sawn zawr el lem ei tiu; ama hi ei sang, ei tisa ngei a ni sih a,” a tih a. A unauhai chun a thu chu an zâwm tah a.

INṬANNA 37:36

Chun, Midian mihai chun Josef chu Aiguptaah Pharao hnuoia hotu pakhat, vêngtu pâwl hotu Potiphar kuoma chun an zâwr a.

INṬANNA 40:15

Hebrai mihai rama inthawka miin ân rûka an mîn rûk hmang ka nih a, hi rama khawm hin rip sûnga an mi khumna khawp iengkhawm ka suksuol nawh,” a tih a.

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêl- mapa?” a ta. Chun, ama chun a dawn a, “Ka hmu ta che a ni hi, LALPA mithmua thil ṭha naw thaw dingin inzawr ta che chu.

1 LALHAI 21:25

(A nuhmei Jezebel infuipawr a, LALPA mithmua thil ṭha naw thaw dinga inzawr Ahab ang hrim hrim hi tukhawm an um nawh.

2 LALHAI 17:17

Chun, an naupasalhai le an naunuhmeihai chu meiah an inlûttir a, aisân le dawi dâm an chîng a,LALPA suklungsenna dingin a mithmua thil ṭha nawtak thaw dingin an inzawr a.

JOB LEKHABU (THE BOOK OF JOB) 42:6

Chuleiin, kei le kei kân theidah a, kân sîr a nih, Vuthai lai le pilvut laia ṭhungin,” tiin.

INPÂKNA HLABU 119:25

Ka hringna hi pilvutah a kawp tlat a, I thu ang peiin mi sukhar rawh.

INPÂKNA HLABU 51:6

Ngai ta, sûngril tiengahai hin takna i dit hlak a, Chuongchun, ân lang naw tienga hin varna mîn hriettir i tih.

FESUOKNA 22:3

Ama chunga chun nisa a suok ta chun, ama ta dingin thisen phuba chu um a tih. Inru chun a thung ngei ding a nih. Iengkhawm a nei naw chun ama chu iengkhat inrûk mana zawr ding a nih.

THUVARHAI 30:2

Mi dang hrim hrim nêkin ka ngawng bîk a ni ngei âwm, Mihriem hrietthiemna khawm hi ka nei nawh.

THUVARHAI 30:5

Pathien thu tin chu sukthiengin a um a, Ama ringtuhai ta ding chun ama chu phaw a nih.

ISAI 50:1

LALPA chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

ISAI 52:3

LALPA chun hieng ang hin a ti sih a; “Iengkhawm ni loa zawr in ni tah a, chuongchun, tangka ni loa intlan ni tâng in tih,” tiin.

ISAI 6:5

Chu phingleh kei chun, “Hmûr tirdakum put mi ka na, hmûr tirdak- um put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai LALPA chu a hmu ta sih a,” ka tih a.

LEVI DÂN 13:12

A phârna chu a vuna chun ân dar lien a, a hri invawitu chu a lua inthawka a ke lêr chena thiempu hriet thei tâwka inphârnain a bâwm chun,

LEVI DÂN 13:16

Amiruokchu, tisa châr chu a hung danglam nâwk a, a hung vâr nâwk chun thiempu kuomah fêng a ta;

LEVI DÂN 19:18

Phuba i lâk ding a ni nawh a, i chipuihai theidâna i pâi ding a ni bawk nawh a, nang le nang în hmangai angin i tuolbâwm chu i hmangai ding a ni lem: Kei hi LALPA chu ka nih.

AMOS 2:6

LALPAIN hieng ang hin a tih, “Israel bawsietna pathum leiin, anih, pali leiin, a hremna sukbo naw ning; tangka mana mi fel an zawr lei le kekawk bun khat mana mi tlasam an zawr leiin;

MATTHAI 16:23

Ama ruok chu a nghah a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo loin mihriem thil i ngaituo lem a ni hi,” a ta.

MATTHAI 18:25

Pêk ding a nei naw leiin, a pu chun a nuhmei leh, a inei po po leh zawra thung ding thu a pêk a.

MATTHAI 5:22

kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmang- nabopa’ ti taphawt chu rorêlna hma- bâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

MATTHAI 5:28

Kei ruok chun, tukhawm nu- hmei dit ena en taphawt chun, a lungrilah a uire zing a nih ti ka hril cheu hi.

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

LUKA 7:6

Chuongchun, Isu chun anni a zui tah a. Chun, in an tlung vâng vângin sipai za hotu chun a kuomah a ruolhai a tir a, “Intak sakin hung naw rawh, ka in sûng i lûtna tlâk a ni nawh;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:9

Annawleh, eini Judahai hi anni nêkin ei ṭha chuong bîk am a nih? Teu lo e! Judahai le Grikhai chu angkhat rawnga suolna suoka um vawng ei nih ti hi hma khawmin ei hril ta kha;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:6

Hieng hi ei hriet; ei mihriem hlui chu a kuoma hemdein a um ve tah, suol taksa chu sukboa a um theina dinga, tuta chen chu suol suoka ei um ta nawna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:18

Keimaa hin, chu chu ka tisaa hin tina a nih, thil ṭha hrim a um nawh ti ka hriet, thil ṭha thaw nuomna chu keimaah a umdea chu, thil ṭha thawna chu a um si nawh a.

GALATI 4:3

Chuong angin eini khawm naupang ei ni lai khan, khawvêl A AW B hnuoiah suokin ei um.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chan- chin chu Jentailhai kuoma hril ding le,

DÂN PAHNINA 6:5

LALPA in Pathien chu in lungril po poin, in lungvar po poin, in hrâtna po poin in hmangai ding a nih.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.