ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19 - Pathien Lekhabu Inthieng (BSI)

¹⁹ (In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsietna kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19 ပူးပေါင်းရင်းမြစ်များ

LEVI DÂN 13:40

“Mi a sam a tla kawl chun lu- kawl a na; nisienlakhawm, ân thieng a nih.

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng suk- damin Galili ram po po a fang pei a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:1

Chuongchun, eini mi hrâthai hin mâni lâwmna zawng loin mi hrât nawhai hrât nawna ei tuorpui lem ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:5

Nisienlakhawm, ei fel nawnahai hin Pathien felna chu a suklang mawi zuol si chun ieng am hril ei ta? Pathienin mi a hrem hin, mi fel lo a ni am a nih? (Mihriem dân takin hril ta inla).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:23

nisienlakhawm, ka taksa pêng- haia hin dân danglam a um ti ka hriet, chu chun ka lungrila dân chu a do a, ka taksa pênghaia suolna dân umhai chun salah a mi ṭhuoi a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:26

Chuong ang bawkin, Thlarau chun ei hrât nawnahaiah a mi ṭhang- pui hlak a; ieng anga ṭawngṭai ding am a ni ti ei hriet si nawh a; nisienlakhawm, Thlarau chun inrûm hril ruol loin a mi ṭawngṭai pêk hlak.

1 KORINTH 5:6

In uong san hi a ṭha nawh ie, chawl tlâwmtêin bei tlang chu a zawpsuo vawng hlak ti in hriet naw am a nih?

1 KORINTH 6:11

Chun, nangni ṭhenkhat chuong ang mi in ni hlak kha; nisienla- khawm, Lalpa Isu Krista hminga le ei Pathien Thlaraua sâwpfai in ni tah a, sukthieng in ni tah a, thiemchang in ni tah.

1 KORINTH 9:8

Chuong thu chu mihriem ang elin ka hril am a nih? Dân thu khawmin chuong ngei chu a hril tho ni lo am a nih?

GALATI 3:15

Unauhai, mihriem angin ka hril hi, mihriem thuthlung khawm ni sien la, sukdet ta hnungin an sût nâwk ta ngai nawh a, bel khawm an belsa ngai bawk nawh.

HEBRAIHAI 12:15

Nguntakin en ro, chuong naw chun, Pathien lunginsietna tling zo naw mi tû amanih um a ta, khâkna zung ieng amanih hung indera suk- buoi cheuin, chu chun mi tamtak chu sukthieng loin um an ta,

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.