ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:5 - Pathien Lekhabu Inthieng (BSI)

⁵ Nisienlakhawm, ei fel nawnahai hin Pathien felna chu a suklang mawi zuol si chun ieng am hril ei ta? Pathienin mi a hrem hin, mi fel lo a ni am a nih? (Mihriem dân takin hril ta inla).

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:5 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si nawh a; nang êm chun i thaw âwm êm si nawh a: hnuoi chung po po Rorêltu chun feltakin a thaw naw ding am a nih?” a ta.

JOB LEKHABU (THE BOOK OF JOB) 8:3

Pathien chun a ngaidân chu a sukdanglam hlak am a nih? Annawleh, Iengkimthawthei chun indikna chu a sukdanglam hlak am a nih?

NAHUM 1:2

LALPA chu thîkthusie Pathien le phuba lâk hmang a nih; LALPA chun phuba a lâk a, lunginsennain a sip a nih; LALPA chun ama dotuhai chungah phuba a lâk a, a hmêlmahai ta ding chun lunginsenna ân khâwl- khâwm a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19

Dittakhai, in phuba la naw unla, Pathien lunginsenna inkien lem ro, “phuba hrim hrim keia lâk ding a nih, keiin thung ka tih, Lalpain a tih,” ti ziek a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:7

Nisienlakhawm, ka khêl hril leia Pathien thu indikzie ama sukropui khawp raua ân lang nâwk pei chun, ieng dinga kei khawm mi suol anga thiemnaw inchangtira la um rawp am ka na?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:1

Anleh, Abraham, tisa dâna ei thlatu chun a hmu ieng am hril ei ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:1

Ieng am hril tâng ei ta? Lunginsietna chu a pung nâwk zuolna dingin suolin ei um zing ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsietna kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:7

Ieng am hril tâng ei ta? Dân chu suol am a nih? Teu lo e a; Nisien- lakhawm, Dân leia hriet ni naw sien chu suol ka hriet naw ding bah; Dân chun, “Inhnar naw,” ti naw sien chu inhnar hi ka hriet naw ding bah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:30

Ieng am hril tâng ei ta? Jentail, felna hnawt nawhai chun felna an lo phâk tah a nih — ringna leia felna chu.

1 KORINTH 15:32

Mihriem thaw dân ang ringawt- a Ephesia sahrânghai kha insuolpui ka ni chun, ka ta dingin ieng am ṭhahnem a ta? mithi keithoa an um naw ding chun, fain dâwn ei tiu, zîngah ei thi el ding annâwm.

1 KORINTH 9:8

Chuong thu chu mihriem ang elin ka hril am a nih? Dân thu khawmin chuong ngei chu a hril tho ni lo am a nih?

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

2 KORINTH 7:11

Chuongchun, hi thil hi inchik ro: Pathien dit zâwnga suklung- ngaina chun, thil lâk ursûnna dâm, pawi tâwk ve naw in nih ti inlangtir nuomna dâm, suol theidâna le suol ṭina dâm, chuong ang ngaituona hrât tak le ṭhahnemngaina tak dam, suol thawtu chu thunun dinga inpei zingna dâm, ân neitir cheu a ni hi. Iengkimah chuong thua chun in inthieng tah ti in suklang tah a.

GALATI 2:18

Teu lo e, ka thil ṭhiekhai kha ka bâwl nâwk si chun, bawsetu ka nizie kân hriettir el ning a tih.

GALATI 3:15

Unauhai, mihriem angin ka hril hi, mihriem thuthlung khawm ni sien la, sukdet ta hnungin an sût nâwk ta ngai nawh a, bel khawm an belsa ngai bawk nawh.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.