ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:4 - Pathien Lekhabu Inthieng (BSI)

⁴ Teu lo e! Pathien chu mi indiktak lo ni raw se, mi tin chu mi khêlhlip lo nihai sien khawm: “Nangin i thu hrilin thiem în changtir thei a, rorêlpêka i um khawma i hne theina dingin,” ti ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:4 ပူးပေါင်းရင်းမြစ်များ

JOB LEKHABU (THE BOOK OF JOB) 36:3

Hlataka inthawkin ka hrietna hung lâng ka ta, Felna chu keia mi Siemtu kuomah inentir ka tih.

JOB LEKHABU (THE BOOK OF JOB) 40:8

Nang ngei khawma ka rorêl hi i ngaitha ding am a nih? Thiem i chang theina dingin, kei chu thiemnaw i mîn changtir ding maw?

INPÂKNA HLABU 100:5

LALPA chu a ṭha sih a, a zainêmna chu kumkhawtluongin um a ta, A ringumzie chu suon po po chenin um a tih.

INPÂKNA HLABU 116:11

Ka hamhaiin, “Mi po po khêl an nih,” ka lo ti tah a.

INPÂKNA HLABU 119:160

I thu inpawl khâwm chu thutak a nih, I rorêlna fel tinrêng khawm hi kumkhawtluongin um zing a tih.

INPÂKNA HLABU 138:2

I biekin inthieng tieng nghain chibai bûk ka ti cheh a, I ngilneina le i thutak leiin i hming inpâk ka tih. I thu chu i hming hrim hrim nêk chun i chawisâng ta sih a.

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw tah a: Thu i hrilin thiem în changtir thei a, Ro i rêlin demkailo i ni theina dingin.

INPÂKNA HLABU 62:9

Mi inhnuoihai hi iengkhawm an ni nawh a, mi insânghai khawm hi khêl an nih; Bûknaa chun an inkâng dai a, Iengkhawm ni lo nêk khawmin an zâng lem a nih.

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lungin- sietna sukpuitling i tih.

MATTHAI 11:19

Mihriem Naupa a hung a, a fâkin a dâwn a, ‘En ta u, bu he mi, uoin he mi, siedâwltuhai le mi suolhai ruolpa saw,’ an ti sih a. Nisien- lakhawm, Varna chu a thilthawhaiin an inthiem,” a ta.

LUKA 20:16

Lo enkawltuhai chu hung sukbohmang a ta, huon chu mi danghai pêng a tih,” a ta. Chun, chu chu an hrietin, “Chuong êm chu tlung naw raw se!” an ta.

JOHAN 3:33

A thu inhriettir awi chun, ‘Pathien chu mi indiktak a nih,’ tiin a hming namin a ziek.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:1

Anleh, Pathienin a mihai chu a pei thlâk am a nih? Teu lo e a! Kei khawm Israel mi, Abraham thla, Benjamin hnam ka ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:11

Anleh, an tlûk chu an tlûk sawngna ding am a nih? Teu lo e a! An tlûk leiin Jentailhai kuoma chun sandamna a hung tlung ta lem a nih; Israel mihai inthîktirna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:31

Anleh, ringna lei ngawtin Dân chu iengkhawm ni loin ei siem el am a nih? Teu lo e! Dân chu ei sukdet lem hman a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:15

Iengtin am nîng a ta? Dân rorêla um ei ni nawh a, lunginsietna rorêla um ei ni lem lei hin ei suol ding am a nih? Teu lo e a!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:2

Teu lo e a! Eini suol tienga thi ta hnunghai iengtin am suolin la hring zing thei ei ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:13

Anleh, thil ṭha chu keia ta dingin thina a lo ni am a nih? Teu lo e a! Suolna chu keia ta dingin thina a hung ni ta lem a nih; chuongchun, suolna chu suolna a nih ti ân lang theina dingin, thil ṭha chu hmangin a mi sukhlum a nih. Suolna chu thupêk lei khan suol nasatak a ni theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:7

Ieng am hril tâng ei ta? Dân chu suol am a nih? Teu lo e a; Nisien- lakhawm, Dân leia hriet ni naw sien chu suol ka hriet naw ding bah; Dân chun, “Inhnar naw,” ti naw sien chu inhnar hi ka hriet naw ding bah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:14

Ieng am hril tâng ei ta? Pathiena chun fel nawna a um am a nih? Teu lo e a!

1 KORINTH 6:15

In taksahai chu Krista pênghai a nih ti in hriet naw am a nih? Krista pênghai chu lâkpêkin nawchizawr pênghaiah ka siem ding am a nih? Teu lo e!

2 KORINTH 1:18

Iengkhawm ni raw se, Pathien a ringum angin, nangni tienga ka thu hi “A nih” ti le, “A ni nawh,” ti a ni ve ve si nawh.

GALATI 2:17

Kristaa thiem changa um kan tumnaa hin, keini ngei khawm mi suola ngai kan lo ni lem hlau chun, anleh, Krista chu suol sin thawtu ni el a ti?

GALATI 2:21

Pathien lunginsietna chu ka bawhmang nawh. Dân leia felna a um si chun Krista chu a thlâwnin a thi nîng a tih.

GALATI 6:14

Kei ruok chun ei Lalpa Isu Krista kraws naw chu ka suong naw ding zie chu, chu zâra chun khawvêl hi ka ta dinga hemdein a um tah, kei khawm khawvêl ta dinga hemdein ka um a nih.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

1 TIMOTHE 3:16

Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai in- fuina nasatak ei nei theina dingin.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 3:7

“Chun, Philadelphiaa kohran tir- ko kuoma chun hieng hin ziek rawh:— “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih: