ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5 - Pathien Lekhabu Inthieng (BSI)

⁵ I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5 ပူးပေါင်းရင်းမြစ်များ

2 CHANCHIN SUINA 30:8

In thlatuhai an ni angin mi kâwmâwhai ni naw unla; nangni chu LALPA kuomah inpe lem ro; kum- khuoa dinga sukthieng tah, a hmun inthienga chun lût unla, nangnia inthawka a lungsenna ṭiumtak chu ân kieng theina dingin LALPA in Pathien rawng chu bâwl ro.

2 CHANCHIN SUINA 36:13

Pathiena ṭawng inkhâmtirtu Nebukadnezzar chunga khawm chun a hel bawk a; Israel Pathien LALPA kuoma kîr dingin, a lungril a sukngar a, ân sukkâwmâw bawk a.

JOB LEKHABU (THE BOOK OF JOB) 21:30

Mi suol chu suksietna nia dinga khêk a na, Ṭhuoihmangin an um a, lunginsenna nia dingin.

INPÂKNA HLABU 110:5

LALPA i changtienga um chun, A lunginsen nia chun lalhai sât bawng rem rum a tih.

INPÂKNA HLABU 95:8

Meribaa an thaw ang khan in lungril sukngar naw ro, Thlalêra Massa ni ang khan;

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

FESUOKNA 32:34

Tuhin fe la, hmun ka hrilna chea khan mipui chu ṭhuoi la, ngai ta, ka vântirko i hmaah fêng a tih. Amiruokchu, ka hung sir nia chun an suol man chu anni chungah intlung- tir ka tih,” a ta.

FESUOKNA 8:15

Nisienlakhawm, Pharao chun chuong chu a bo tah ti a hriet chun, a lungril a sukngar a; LALPAIN a lo hril ta ang ngei khan an thu chu a ngai nawh a.

THUVARHAI 1:18

Chun, chuong anni thisen ngei inchântuhai chun, Anni hringna ngei chu inrûkin an inchân a nih.

THUVARHAI 11:4

Lungsen nia chun hausakna chu a ṭhahnem chuong nawh a, Felna ruok chun thinaa inthawkin a sansuok.

THUVARHAI 28:14

LALPA ṭi zing zinga um hlak mi chu a lâwm a, A lungril sukngartu ruok chu lungngainaah tla lût a tih.

THUVARHAI 29:1

Kâwka um rawpa, rîng sukngar hlak chu, Kârloin se dar a ta, sukdam nâwkna um naw nih.

THUHRILTU 12:14

Pathien chun sin tinrêng chu rorêlnaah a hung lâk lût ding a ni sih a, thil inthuphai po po le, a ṭha khawm a ṭha naw khawm chu.

ISAI 48:4

Mi kâwmaw in na, in rîng chu thîr tha a na, in chal chu dâr a ni ka hriet leiin,

JEREMIA 40:3

chuongchun, LALPA chun a hung intlungtir a, a hril ang ngei chun a hung thaw tah a; LALPA chunga chun thil in suksuol ta leiin le, a râwl chu in awi naw leiin, hieng thil hi in chungah a hung tlung a ni hi.

EZEKIEL 11:19

Anni chu lungril hmunkhat pêng ka ta; nangmaa chun lungril thar sie bawk ka tih; chun, an tisaa lungril lung anga ngar chu lâng ka ta, an kuoma chun tisa lungril innêm pêng ka tih.

EZEKIEL 3:7

Amiruokchu, Israel sûngkuohai chun i thu ngai naw ni hai a, keia thu an ngai naw ding leiin; Israel sûngkuohai po po chu chal changtak, lungril ngartak ruok an ni leiin.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw tah a, ân lalna lalṭhungphaa inthawk chun sie hnuoiin a um tah a, amaa inthawk chun a ropuina chu an lâk hmang a,

HOSEA 13:12

Ephraim rîtlona chu ka înkhâwl khâwm a na, A suolna chu thak khâwm a nih.

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” LALPAIN a tih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:18

Thutak fel nawtaka dangtuhai Pathien ngaisak nawna le fel nawna po po chunga chun vâna inthawkin Pathien lungsen a hung inlang a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si nawh a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22

Lunginsenna bêl bohmang tlâkhai chunga chun, Pathienin a lunginsenna le a thilthawtheina inlangtir nuom sien khawm, a daw hrâm hrâm chun ieng am pawi a ta?

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni sih a.

DÂN PAHNINA 2:30

Nisienlakhawm, Hesbon lal Sihon chun a rama chun a mîn fe thlengtir phal nawh a; LALPA in Pathien chun vawisûna anga in kuta a pêk theina ding cheuin a lungril a sukngarpêk a, a suklulul a nih.

DÂN PAHNINA 32:34

“Chu chu ka ikhâwlkhâwm, Ka robâwma châr khum chie a ni naw am a nih?

2 THESSALONIKA 1:5

Chuong chu Pathien rama mi ni tlâka ruot in ni thei ding a nih ti Pathien rorêl feltak inchikna fietak a nih, chu ram leia chu tuor in ni hi.

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.

HEBRAIHAI 3:15

“Vawisûn hin a râwl in hriet chun, An suknuor lai ang khan, In lungril sukngar naw ro,” an ti sûng po hin.

HEBRAIHAI 4:7

sâwttak hnung khan David chun, “Vawisûn hin,” tiin ni ieng amanih a ruot nawn nâwk a nih, “Vawisûn hin a râwl in hriet chun, In lungril sukngar naw ro,” tia a hmaa ka hril ang khan.

JAKOB 5:3

In rângkachak le in tangkahai a tuiêk zo tah a; a tuiêk chu in thiem nawzie inhriettirna nîng a ta, in taksa chu mei kâng angin fâng a tih. Ni nuhnunga chun ro in inkhâwl a ni hi.

JOSUA 11:20

LALPAIN Mosie thu a pêk ang anga sukchimit vawng a, ditsakna nei dêr loa a sukbohmang theina dinga an lungril sukngarpêka Israel- hai indotir hlaktu chu LALPA chu a ni sih a.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

JUDA 1:6

Chun, vântirkohai anni nîna pawm loa, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.

THUPUONGSUO 2:21

Simna dingin a kuomah hun bi ka tuk a, nisienlakhawm, mi dit a chîng chu a sim nuom nawh.

THUPUONGSUO 6:17

an lunginsenna ni ropuitak chu a hung tlung ta hi; chuongchun, tu am ngîr thei an ta?” an tih a.

1 SAMUEL 6:6

Aigupta mihai le Pharaoin lung- ril an sukngar ang khan iengdinga in lungril in sukngar am a na? Anni laia thil maktaka a thaw khan anni kha ân fetir a, an suok a nih naw am a nih?