ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:29 - Pathien Lekhabu Inthieng (BSI)

²⁹ Amiruokchu, ân lang el ni loa Juda mi ni chu Juda tak a nih; chun, sertan tak chu lungril tienga tan a nih, Lekha thu ela ni loin, Thlarauah a nih; ama chun mihriem inpâk a hlaw nawh a, Pathien inpâk a hlaw lem hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:29 ပူးပေါင်းရင်းမြစ်များ

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân tah a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 45:13

Lal in sûnga lal naunu chu a ropui vêl vawng a, A silfên chu rângkachaka ṭiel mawi a nih.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 4:4

LALPA kuoma chun ser intan unla, in lungril ser chu tan ro, nangni Jerusalema mihai le, Juda rama mi- hai; chuong naw chun ka lunginsenna chu mei angin fe suok a ta, i thilthaw- hai rîtlona lei chun; tukhawm iṭhel ruol loin kâng a tih.

JEREMIA 9:25

Ngai ta, nihai chu a hung tlung, LALPA chun a tih; sertan ni sia sertanlohai po po chu hrem ka ta,

LUKA 11:39

Chun, Lalpa chun a kuomah, “Nangni Pharisaihaiin no le thlêng puo tieng chu in sâwp fai hlak luoh a; in sûng tieng ruok chu hlêprûkna le suolin a sip sih a.

LUKA 17:21

‘En ta, hitaka hi,’ amanih, ‘Sawtaka saw,’ amanih ti bawk naw ni hai; ngai ta u, Pathien ram chu nangni lai a um a nih,” a ta, a dawn a.

JOHAN 12:43

Pathien kuoma ropuina nêkin mihriem kuoma ropuina an dit lem sih a.

JOHAN 4:23

Chuongchun, a hun a tlung ding a ni tah, tu khawm hin a tlung zing tah, chu pha chun Pathien chibai bûktu taktakhaiin thlarau le titaktakin Pa chibai bûk an tih, Pa chun chuong ang mi chu ama chibai bûktu dingin a zawng a nih.

JOHAN 5:44

“Nangni inchawimawituo lâwm- hai, iengtin am ring thei in ta? Pathien tak chaua suok chawi- mawina chu in zawng si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:27

Chun, mani insieng ziea sertan loin Dân chu a zâwm kim chun, nang, lekha thu le sertan dân nei sia Dân bawsetu chu a sawisêl naw ding che maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:1

Anleh Juda mi chun sâwtna ieng am a nei chuong bîk a? Sertan khawm chu a sâwtna ieng am a ni leh?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:6

Tu ruok hin chu a mi cheltu chu thisanin, Dâna inthawkin inthlain ei um tah; chuleichun lekha ziek hlui ang ni loin, Thlarau tharin rawng ei bâwl theina dingin.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

1 KORINTH 7:19

Pathien thupêkhai pawm chau naw chu sertan hi iengkhawm a ni nawh a, sertan naw khawm iengkhawm a ni chuong nawh.

2 KORINTH 10:18

Mâni inhrilmawi chun inpâk a hlaw si nawh a, Lalpain a hrilmawi chun inpâk a hlaw lem hlak.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni loin, Thlarau rawngbâwltuahai a ni lem; lekha thu ngawt chun a sukhlum hlak sih a. Thlarau ruok chun a sukhring hlak a nih.

DÂN PAHNINA 10:16

Chuleiin, in lungril ser chu tan unla, kâwmaw ta naw ro.

DÂN PAHNINA 30:6

In hring theina dinga LALPA in Pathien chu in lungril po po le in lungvar po poa in hmangai theina dingin LALPA in Pathienin in lungril le in thlahai lungril ser chu tanpêk a ti cheu a.

PHILIPPI 3:3

Eini Pathien Thlarau zâra Pa- thien bie le, Krista Isu suong le, taksa chunga ringna innghat nawhai hi, Sertanhai ei ni lem sih a.

1 THESSALONIKA 2:4

Chanchin Ṭha inkawltira um dingin Pathien ṭhati zâwng mi kan ni ang ngeiin, mihriem suklâwm ding ang ni loin, kan lungril fietu Pathien suklâwm lemin thu kan hril lem hlak a nih.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei loa inthuom ni lem raw se, chu chu Pathien mithmu chun a hlu bêk bêk a nih.

1 SAMUEL 16:7

Nisienlakhawm, LALPA chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, LALPA chun mihriem en dân angin a en ve si nawh a, mihriem chun puotienga inlang dân an en hlak a, LALPA ruok chun lungril tieng a en lem hlak a nih,” a ta.