ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:15 - Pathien Lekhabu Inthieng (BSI)

¹⁵ an lungrilah dân sinthaw chu ziek a nih ti an inentir a; chu chu an sie le ṭha hrietnain an hrietpui a, an lungrilhai chu ân sêl a, akâr leh thiem ân changtir vak a, akâr leh thiemnaw ân changtir vak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:15 ပူးပေါင်းရင်းမြစ်များ

INṬANNA 20:5

Ama ngei khawmin ka kuomah, ‘Ka farnu a nih’ a ti ni lo am a nih? Chun amanu (Sara) ngei khawmin, ‘Ka ṭapa a nih,’ a ti bawk sih a: lungril ṭhatak le kut inthiengtak nei pumin hi hi ka thaw a nih,” a tih a.

1 LALHAI 2:44

Chun, lal ma chun Simei kuom- ah, “I lungril sûng rîtlozie, ka pa David chunga i thawziehai kha i hriet vawng a, chuongchun, LALPAIN i rîtlona hi nangma lu chunga ngei hung inlêttir a tih.

JOB LEKHABU (THE BOOK OF JOB) 27:6

Ka felna chu dêttakin ka chel a, inthla naw ning, Ka dam sûngin ka lungril chun mi sawisêl bawk naw nih.

THUHRILTU 7:22

nang ngei khawma chuong ang bawk chun mi danghai ṭawngsie în phur rawp hlak ti i lungrilin i hriet rawp sih a.

JOHAN 8:9

Chun, anni chun a thu hril chu an hrietin, a upatakin a phut a, a tâwp chenin, pakhat khatin an inrel hmang ta pei a; chuongchun, Isu chau a um tah a, nuhmei a laia a umna ngaia um le khan.

THILTHAWHAI 23:1

Chun, Paula chun rorêltuhai chu a en zing a, “Unauhai, vawisûn chen hin Pathien mithmua ṭha tienga ka hriet taphawt chu thawin ka um hlak,” a ta.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:14

Dân nei naw Jentailhai hmanin an lungril insiengpuia dân thilhai kha an thawin, Dân nei naw hai sien khawm anni le anni chu dânah an insiem fâwm a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:27

Chun, mani insieng ziea sertan loin Dân chu a zâwm kim chun, nang, lekha thu le sertan dân nei sia Dân bawsetu chu a sawisêl naw ding che maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:1

Kristaa chun thu taktak ka hril a nih, khêl ka hril nawh, Thlarau Inthieng zâra chun,a ka sie le ṭha hrietna khawmin a mi hrietpui a,

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

TITA 1:15

Mi inthienghai ta ding chun ieng- kim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.