ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:17 - Pathien Lekhabu Inthieng (BSI)

¹⁷ Chun, unauhai, inchûktirna thu, nangni inchûk nawna tieng pang in- ṭhena le tlukna siemtuhai chu vêng ṭha dingin le nghatsan dingin ka ngên cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:17 ပူးပေါင်းရင်းမြစ်များ

MATTHAI 18:17

Chun, anni khawm chu a ngai nuom naw chun, kohranah intlun el rawh; chun, kohran thu khawm a ngai naw chun ama chu i ta dingin Jentail le siedâwltu ang ni raw se.

MATTHAI 18:7

“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnuk- inrâwltakhai an ni sih a.

LUKA 17:1

Chun, Isûn a închûktirhai kuomah, “Tlûknahai um naw thei a ni nawh; nisienlakhawm, tlûkna inumtirtu chung chu a rik!

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

1 KORINTH 11:18

A hmasatakin, kohran anga in inkhâwm chângin nangni lai inṭhena a um hlak ti thu ka lo hriet sih a; iemani chenah ka ring deu bawk a nih.

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin inrûkin an lût a.

PHILIPPI 3:17

Unauhai, ka um dân inchûk- tuhai lo ni tâwl ro; chun, enkhi ding keini in mi nei a, chuong ang peia umhai chu en ṭha ro.

KOLOSSA 2:8

Fimkhur ro, chuong naw chun, tûkhawmin Krista thu ang ni loin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

2 THESSALONIKA 3:6

Chun, unauhai, kan kuoma inthawka thurosie an ihmu anga um loa, um ṭha nuom lo, unau tinrêng- haia inthawk chun insiekieng dingin, ei Lalpa Isu Krista hmingin thu kan pêk cheu.

1 TIMOTHE 1:3

Makedonia rama ka fe ding laia Ephesia um zing dinga ka ngên che ang khan, mi ṭhenkhathai chu inchûktirna danglam hrim inchûktir lo dinga i kâwk theina ding le,

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

TITA 3:10

Ringdân tum nei mi chu vawikhat vawihni kâwk hnung chun dit naw rawh;

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni sih a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

JUDA 1:19

Chuong mihai chu tisa mi, Thlarau neinaw, pâwl tumhai siemtu chu an nih.