ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:3 - Pathien Lekhabu Inthieng (BSI)

³ Krista khawm chun mâni lâwm- na a zawng si nawh a. “Nangma haltuhai halna che chu keia chungah a tla tah,” ti ziek ang khan a um lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:3 ပူးပေါင်းရင်းမြစ်များ

INPÂKNA HLABU 69:20

Mi mi hrilsietna hin lungriem- in a mi thlâk a, nasatakin ka lungngai bawk a, Chuongchun, a mi lunginsiettu ding ka zawng a; nisienlakhawm, tukhawm an um si nawh; A mi thlamuontu dinghai ka zawng a; nisienlakhawm, tukhawm ka hmu si nawh.

INPÂKNA HLABU 69:9

I ina ka ṭhahnemngainain a mi fâk zo a, Nangma hrilsetuhai hrilsietnahai chu ka chungah a tla zo tah.

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MATTHAI 26:39

Chun, tlâwmtên hma tieng a va fe dep a, a bawkkhup a, “Aw Pa, a thei chun, hi no hin mi khêl hrâm raw se; nisienlakhawm, keima thu ni loin, nangma thu thu ni lem raw se,” tiin a ṭawngṭai a.

MATTHAI 26:42

Chun, vawi hninaah a va feh a, a ṭawngṭai nâwk a, “Aw Pa, ka dâwn loa hi no hin a mi khêl thei lul naw chun, nangma thu thu ni raw se,” a ta.

MATTHAI 27:44

Suomhmang an hemde vehai khawm chun, chuong ang bawkin an ti el veh a.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 15:24

Thil, mi dang tukhawm ithaw ngainawhai anni lai thaw naw lang chu, suol an nei naw ding bah; tu ruok hin chu annîn kei le ka Pa kan pahniin an mi hmu tah a, theida khawm an mi theida tah a nih.

JOHAN 4:34

Chun, Isûn an kuomah a hril a, “A mi tirtu dit zâwng thaw le, a sin thaw zo ding hi ka bu a nih.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum nawh a, a mi tirtu thu thua um ka tum lem hlak leiin.

JOHAN 6:38

Mâni nuom zâwng thaw dinga vâna inthawka hung ka ni nawh a, a mi tirtu dit zâwng thaw dinga hung ṭum ka ni lem.

JOHAN 8:29

A mi tirtu chu ka kuomah a um, a mi thlâthlam nawh; a thil lâwm zâwng taphawt ka thaw pei hlak leiin,” a ta.

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet sih a.

PHILIPPI 2:5

Hi lungril, Krista Isu khawma um kha, nangniah um raw se.

PHILIPPI 2:8

Chun, mihriem anga hung umin ân ngaitlâwm a, thi khawp raka thu zâwmin a lo um tah a, krawsa thina ngei chu.