ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:15 - Pathien Lekhabu Inthieng (BSI)

¹⁵ Nisienlakhawm, inhriettir nawn ding cheuin khâwlai lai hin amanih huoitakin ka ziek a nih: Pathienin a mi pêk lunginsietna lei hin Jentailhai laia Krista Isu rawng- bâwltu ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:15 ပူးပေါင်းရင်းမြစ်များ

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5

A hming leia hnam tin laia mi ringna thu chu inzâwmtir dingin; ama zâra chun lunginsietna le tirko nina chu kan chang tah a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu loin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:6

Lunginsietna ei kuoma pêk ang sengin thilthlâwnpêk hi a tum tum ei nei seng a, thu hril ding a ni chun, ei ringna phutâwk peiin hril ei tiu;

1 KORINTH 15:10

Nisienlakhawm, Pathien lung- insietna leiin ka ni ni ka ni tah; chun, a lunginsietna a mi pêk chu a thlâwnin a um nawh a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw nawh a, Pathien lunginsietna ka kuoma um khan a thaw lem a nih.

1 KORINTH 3:10

Pathien lunginsietna ka kuoma pêka um ang peiin in bâwl hotu tak vartak angin keiin lungphûm ka rem a, mi dangin a chungah in an bâwl a, nisienlakhawm, mi tin a chunga bawl dingziea chun fimkhur seng raw hai se.

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut chang- tieng an mi pêk ta lem hman a.

1 TIMOTHE 4:6

Chuonghai chu unauhai în hriettir chun, Krista Isu rawng- bâwltu ṭhatak nîng i tih, ringna le inchûktirna ṭha tu chena i la zâwm thuah châwm i ni ang khan.

2 TIMOTHE 1:6

Chuleiin, ka kut innghat leia Pathien thilpêk nangmaa um kha mût chawk dingin ka hril nawn che a nih.

2 TIMOTHE 2:14

Chuong thu chu inhriet thartir zing la, thu mei meiah an insêl nawna dingin Lalpa mithmuah ṭhahnem- ngaitakin inhriettir rawh, chu chu iengkhawm a ṭhahnem nawh a, a ngaituhai ta dingin bohmangna a ni lem hlak.

TITA 3:1

Lalhai le thuneituhai kuoma intuklût ding dâm, thu awi ding dâm, thil ṭha tinrêng thawa inzo ding dâm,

HEBRAIHAI 13:22

Nisienlakhawm, unauhai, ka ngên cheu, infuina thu hi ngai thei hrâm ro; in kuomah thu tlâwmtê ka ziek sih a.

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.

1 JOHAN 5:13

Chatuona hringna in nei ti in hriet theina dingin, nangni Pathien Naupa hming ringtuhai kuomah hieng thu hi ka ziek a nih.