ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13 - Pathien Lekhabu Inthieng (BSI)

¹³ Thlarau Inthieng thilthawthei- na zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13 ပူးပေါင်းရင်းမြစ်များ

ISAI 55:12

Hlimtaka suokin, lungmuong- taka ṭhuoi suokin in um ding a ni sih a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

JOEL 3:16

“Chun, LALPA chu Zion tlânga inthawkin inrûm dur dur a ta, Jerusalema inthawkin a râwl in- suong a ta; vân le hnuoi inhnîng an ta; nisienlakhawm, LALPA chu a mihai ta dingin inhumhimna nîng a tih, Israel thlahai ta dingin kulbîng nîng a tih.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12

beiseina kawnga chun, lâwm unla; rinum tuor kawnga chun tuor- sel unla, ṭawngṭaina kawnga chun ṭawngṭai fan fan ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:19

inchiknahai, thilmakhai, thil- thawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chen- in, Krista Chanchin Ṭha chu ram tinah ka hril kim tah a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:5

Tuorselna le thlamuongna Pa- thien chun Isu Krista hril angin lungril hmunkhat put dingin inumtir raw se cheu;

1 KORINTH 2:4

Ka ṭawngbau suok le ka thu hrilhai chu thu vara thlêmna thu a ni nawh a, Thlarau le thilthawtheina inhriettirin a ni lem kha;

2 KORINTH 9:8

Chun, Pathienin lunginsietna tinrêng in chungah a vur thei a nih; chuongchun, nangnîn iengkimah a hun zet nei rawpin, sin thaw ṭha tinrênga dingin hau thei in tih;

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

EPHESI 1:2

Pathien ei Pa le Lalpa Isu Krista kuoma inthawka lunginsietna le inremna in kuomah um raw se.

1 THESSALONIKA 1:5

khânga kan Chanchin Ṭha chu thu chaua tlung loa, thilthawtheina le Thlarau Inthieng le nasataka ring tlatna leh a hung tlung lem kha. Nangni hma sielin in chungah ieng ang mi am kan lo ni ta kha in hriet sih a.

1 TIMOTHE 1:1

Paula, Pathien a mi Sandamtu le Krista Isu ei Beiseina ruot anga Krista Isu Tirko chun;

HEBRAIHAI 6:11

Chun, in beiseina chu a fam- kima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

1 SAMUEL 1:18

Ama chun, “I siehlawnu hi i mittlung ni raw se,” a ta. Chuong- chun, nuhmei chu a fe tah a, bu dâm a fâk a, lungngai hmêl a put ta nawh a.