ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:2 - Pathien Lekhabu Inthieng (BSI)

² Mi pakhatin iengkim fa theiin ân ring a, mi hrât naw ruok chun thlai chau a fâk hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:2 ပူးပေါင်းရင်းမြစ်များ

INṬANNA 1:29

Chun, Pathien bawkin, “Ngai ta u, hnuoi chung po poa um thlai chi nei tinrêng le thing tinrêng chi nei ra um hai chu ka pêk cheu a nih: in bu ding nîng an tih.

INṬANNA 9:3

Thilhring chângthei tinrênghai chu in ta dingin fâk ding nîng an ta; thlai hring ka pêk ang cheu khan iengkim ka pêk vawng cheu.

THUVARHAI 15:17

Bâwngchal châwm thau buthlêng chutaka intheidana umna nêkin. Thlaihna buthlêng chutaka hmangaina umna chu a ṭha lem.

DANIEL 1:12

“Ka ngên che hi, i siehlawhai hi ni sâwm sûng ensin raw khai; fâk dingin thlai chau le dâwn dingin tui chau mîn pêktir la.

DANIEL 1:16

Chuongchun, anni vêngtu chun an bu fâk ding le uoin an dâwn ding chu a sie hmang a, thlai chau a pêk lem tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:1

Chun, ringnaa hrât naw mi chu, a ringhlana sawisêl loin, lâwm lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:14

Ama le ama ngawt chun ân thieng naw iengkhawm a um nawh ti Lalpa Isua chun ka hriet hle a nih, thil inthieng loa ngaitu ta ding chun, ama ta ding chun ân thieng naw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:20

I thil fâk leiin Pathien sinthaw sukse naw. Thil po po chu ân thieng ngei, nisienlakhawm, a thil fâkin mi a sukthlûk chun, a fatu ta dingin suol a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:1

Chuongchun, eini mi hrâthai hin mâni lâwmna zawng loin mi hrât nawhai hrât nawna ei tuorpui lem ding a nih.

1 KORINTH 10:25

Sa dâwra an zawr taphawt chu sie le ṭha hrietna leia iengkhawm indawn loin fa el ro;

1 KORINTH 8:9

Nisienlakhawm, fîmkhur ro, chuong naw chun, nuom nuoma in tlat theina hi mi hrâtnawhai ta dingin tlûkna ni rawi a tih.

1 KORINTH 9:22

Hrâtnawhai ka lâk lût theina dingin hrâtnawhai kuoma chun hrâtnaw angin ka um hlak; iengti kawng zâwngin amanih bêka ṭhen- khathai bêk ka sandam theina ding- in mi po po kuomah iengkim ka ni tah.

GALATI 2:12

Mi tuhai amanih Jakob kuoma inthawka an hung hma chun, ama chun Jentailhai lai bu a fâk hlak a; nisienlakhawm, an hung tlung phingleh Sertan mihai chu a ṭi leiin ṭhang nâwk ta loin, ân suktum ta sih a.

1 TIMOTHE 4:4

Pathien thilsiem tinrêng hi a ṭha sih a, lâwmthu hrila pawm a ni taphawt chun iengkhawm dit naw ding a ni nawh,

TITA 1:15

Mi inthienghai ta ding chun ieng- kim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, tisa tieng dânhai chau siem ṭhat hun hmaa dinga ruot chu a nih.