ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:18 - Pathien Lekhabu Inthieng (BSI)

¹⁸ Tûkhawm, chuong thua Krista rawng bâwl chu, Pathien lâwm zâwng le mihriem inpâkin a um hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:18 ပူးပေါင်းရင်းမြစ်များ

INṬANNA 4:7

Thil thaw ṭha ni la chu pawm i ni naw ding am a nih? I thaw ṭha naw ruok chun suol chu kawtkhâr bulah a bawk zing a nih; a dit zâwng chu nangma thuhne che a nih a, nisienlakhawm, nangin i thuhne lem ding a nih,” a tih a.

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pa- thien chun i sinthawhai chu a pawm ta sih a.

MARKA 13:34

Mîn a in mâksana, a suokhai chu thu inneitira, an sin thaw ding pe seng a, kawtkhâr vêngtu khawm chu inring zinga um ding thu a pêk zet a, ram hlataka inzin ta dai ang a nih.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

THILTHAWHAI 10:35

nisienlakhawm, hnam tin lai tû- khawm ama ṭia, feltaka thaw taphawt chu, a lâwm zâwng mi a ni hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:11

taimâk kawnga chun thaboin um naw ro; thlarau kawnga chun ṭhahnem ngai unla, Lalpa rawng bâwl unla,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:4

Mi dang siehlaw sawisêltu chu tu am i ni leh? a ngîr le a tlûk chu ama hotupa ta ding a nih. Nisienlakhawm, ama chu inngirtirin um a tih, Lalpa chun ân ngîrtir thei sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl nawh a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

1 KORINTH 7:22

Suoka um Lalpaa ko chu Lalpa insuoktir suok a ni sih a, chuong ang bawk chun suok ni loa koa um chu Krista suok a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang nawh a, Pathien thu mi hlêmnain kan hmang bawk nawh a; thutak inhriettirin Pathien mit- hmuin mi tin sie le ṭha hrietna mit kan intlungtir lem hlak a nih.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

2 KORINTH 5:9

Chuleiin, um inla um naw inla khawm, ama lâwm zâwng ni ei tum tlat hlak a nih.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

2 KORINTH 8:21

Lalpa ngai chau ni loin, mihriem ngai khawma thil mawi kan ngaituo bawk hlak a nih.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

KOLOSSA 3:24

a thungna rohluo ding chu Lalpa kuoma inthawkin in hmu ding a nih ti hre zingin Lalpa Krista rawng in bâwl a ni hi.

1 TIMOTHE 2:3

Chu chu a mi Sandamtu Pathien ngaiin a ṭhain lâwm tlâk a nih;

1 TIMOTHE 5:4

Nisienlakhawm, hmeithai tû- khawmin nauhai amanih, tuhai amanih nei sienla, chuonghai chun anni insûng tienga Pathien ngaisaka um dân le, anni keitleituhai chunga ṭhatzie inchûk zet raw hai se; chu chu Pathien lâwm zâwng a ni sih a.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 2:20

In suol a, kutthlâk in tuorin, seltakin tuor unla khawm inpâk ieng am in hlaw leh? Nisienlakhawm, thil in thaw ṭhaa in tuorin, seltaka in tuor chun, chu chu Pathien lâwm zâwng a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 3:16

Nisienlakhawm, thuhnuoirawl- tak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.