ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:13 - Pathien Lekhabu Inthieng (BSI)

¹³ Chuleiin, insawisêl tâwl ta nâwm ei niu khai; tûkhawmin mâni unau kalna amanih tlûkna amanih siem naw tum lem seng ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:13 ပူးပေါင်းရင်းမြစ်များ

2 SAMUEL 12:14

Amiruokchu, hi i thilthaw hin Pathien hrilsietna remchângtak LALPA hmêlmahai ta dinga i siem leiin naupang nangmaa inthawka pieng chu thi ngei a tih,” a ta.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

EZEKIEL 14:3

“Mihriem naupa, hieng mihai hin an milimhai chu an lungrilhaia chun an lâk tlat a, an hmaihmaa chun an suolna tlûkna lunghai chu an sie tah a; annihai thu indawn hin ka la um rawp ding am a nih?

LEVI DÂN 19:14

Nasêt chu ṭawngsie în phur ding a ni nawh a, mitdel hmaah inpal thlûkna i sie ding a ni bawk nawh; i Pathien chu i ṭi ding a ni lem; Kei hi LALPA chu ka nih.

MATTHAI 16:23

Ama ruok chu a nghah a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo loin mihriem thil i ngaituo lem a ni hi,” a ta.

MATTHAI 18:7

“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!

MATTHAI 7:1

“Sawisêl naw ro, sawisêla in um nawna dingin.

LUKA 12:57

“Iengdinga nangnîn a fel chu in ngaituo naw am a na?

LUKA 17:2

Hieng mi chînhai laia pakhat khawm sukthlûk nêk chun, a sukthlutu ding rînga chun bu râwt nawina lung inhlitirin, tuisuorietah thlâk ni sienla, a ta dingin ṭha lem a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:9

Chun, David chun, “An dâwkân chu an ta dingin châng le bil le, Tlûkna le, thungna lo ni raw se;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:10

Nisienlakhawm, nangin ieng dinga i unau i sawisêl am a na? annawleh, nangin ieng dinga i unau i hmusit am a na? Pathien rorêlna ṭhungpha hmaah ei rêngin ei la ngîr ding a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:3

Iengkim fa mi chun a fa naw chu hmusit naw raw se; a fa naw khawm chun a fatu chu sawisêl naw raw se; Pathienin ama chu a lâwm tah annâwm.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:4

Mi dang siehlaw sawisêltu chu tu am i ni leh? a ngîr le a tlûk chu ama hotupa ta ding a nih. Nisienlakhawm, ama chu inngirtirin um a tih, Lalpa chun ân ngîrtir thei sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:17

Chun, unauhai, inchûktirna thu, nangni inchûk nawna tieng pang in- ṭhena le tlukna siemtuhai chu vêng ṭha dingin le nghatsan dingin ka ngên cheu.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

1 KORINTH 11:13

Nangni ngei khan ngaituo hman ro: Nuhmeiin a lu inkhum lova Pathien kuoma a ṭawngṭai hi a âwm rêng rêng am a ni?

2 KORINTH 5:14

Krista hmangaina chun keini a mi tirlui a nih, hieng ang hin kan ngaituo; mi po po thi aiin mi pakhat a thih a, chuleiin, mi po po chu an thi a nih.

2 KORINTH 6:3

Kan rawngbâwlna sin chu an dem nawna dingin ieng kawnga khawm tlûkphâna ding hrim hrim kan siem nawh a;

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

1 TIMOTHE 5:14

Chuongchun, hmeithai la nu- nghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

JAKOB 2:4

in lungrilin thlier bîk neia ngai- tuona suol puta sawisêltu chu in ni naw ding am a nih?

JAKOB 4:11

Unauhai, inhrilse tuo naw ro. Tûkhawmin a unau a hrilsietin amanih, a unau a sawisêlin amanih, Dân a hrilsietin Dân a sawisêl a nih; nisienlakhawm, Dân i sawisêl chun Dân zâwmtu i ni nawh a, rorêltu i ni lem.

1 JOHAN 2:10

Mâni unau hmangaitu chu vara chun a um zing a, amaa chun tlûkna hrim a um nawh.

THUPUONGSUO 2:14

Nisienlakhawm, tlâwmtêin demna che ka nei, khataka Balaam inchûktirna thu pawm tuhai amanih in umpui lei khan, ama chun milim biekna sa an fâkna ding le, an inditna dingin Balak chu Israel thlahai hmaah tlûkna sie ân chûktir kha.