ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:12 - Pathien Lekhabu Inthieng (BSI)

¹² Zân hi a bo vâng vâng tah a, khuo a var ding a ni tah, chuleiin inthimna thilthawhai chu pei inla, var thuomin inthuom ei tiu khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:12 ပူးပေါင်းရင်းမြစ်များ

HLAHAI HLA 2:17

Sûnni chu a hung dei a, hlimhai chu a fe hmang chenin, Ka hmangaitak, kîr la, sakhi amanih, Sazuk lâ amanih ang ni rawh, Bether tlâng chunga chun.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiem- pêkhai chu, buikelet kuoma le bâk kuoma chun pei an ta,

ISAI 30:22

Chun, in tangka milim siem, tangkaruoa cheina le in rângkachak milim sung, rângkachak tuia inluon- na chu, suksieng in ta, thil pawrche angin pei tâng in tih; a kuoma chun, “Fe hmang dai rawh,” tîng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

1 KORINTH 10:11

Chun, chuong chu inentirna dingin an chungah a hung tlung a ni kha; eini hun tâwp hung tlungnahai hi mi zil dingin an ziek a n i bawk a.

1 KORINTH 7:29

Amiruokchu, unauhai, hi hi ka ti a nih; hun hi suktâwiin a um a nih, tuta hnung chu, nuhmei neihai chu neinaw anga an um theina ding le,

2 KORINTH 10:4

(keini râldo inthuomna chu tisaah a ni si nawh a, kulpui dettak- hai ṭhiekna dinga Pathien zâra thil thaw thei tak a ni lem),

2 KORINTH 6:7

Thutak thua dâm, Pathien thilthawtheinaa dâm, changtieng le vawitienga felna hriemhreihaiin,

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

EPHESI 5:11

Chun, inthim thilthaw ra nei ngailohaia chun ṭhangna hrim nei naw ro, ṭhang nêk hmanin a thiemnawzie inhriettir lem ro;

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

HEBRAIHAI 10:25

Ṭhenkhat thaw dân anga in- khâwm dâm bânsan loin, infui tuo lem ei tiu, ni chu hung hnai deu deua in hrietin infui tuo nâwkzuol sau ro.

HEBRAIHAI 12:1

Chuongchun, chuong ang lâwma tam, mi thlîrtuhai in- huol vêla ei um leiin, a mi sukhnawk taphawt le suol einia kawp tlat chu sie thla vêng ei ta, ei hmaa intlânsiekna uma hin seltakin tlân pei ei tiu.

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

JAKOB 5:8

Nangni khawm seltakin um ro; in lungril sukdet ro; Lalpa hungna chu a hnai ta sih a.

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,

1 PETER 4:7

Nisienlakhawm, thil po po tâwpna chu a hnai tah a, chuleiin, in ṭawngṭai theina dingin lungril feltak putin fimkhur ro.

2 PETER 3:11

Chuong thilhai chu chuong anga bohmang vawng ding a nih ti in hriet leiin um dân inthieng le Pathien ngaisak kawnga chun mi ieng ang am in ni ding a na?

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bo- hmang loa mi po po sim ditpuiin, nangni tiengah a dâwthei a ni lem.

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

THUPUONGSUO 1:3

Hi hrillâwkna bu thu tiemtu le ngaia a sûnga thu ziek pawmtuhai chu an hamṭha; a hun chu a hnai ta sih a.

THUPUONGSUO 22:10

Chun, ama chun ka kuomah, “Hi lekhabu hrillâwkna thuhai hi ip naw; a hun chu a hung tlung ding a ni ta sih a.