ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:11 - Pathien Lekhabu Inthieng (BSI)

¹¹ Tulai thil umzie in hriet lei le, inhai ta dingin innaa inthawkin ṭhanghar a hun ta takzet ti in hriet leiin chu chu ka hril a nih; tuhin chu ei awi phut lai nêk khan chu ei sandamna chu a hnai lem ta sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:11 ပူးပေါင်းရင်းမြစ်များ

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.

JONA 1:6

Chuongchun, lawng hotu chu a kuoma chun a hung a, “Aw nang a inpa, iengtizie am a na? Tho la, i Pathien ko rawh, Pathien chun, ei bohmang nawna dingin a mi ngaituo rawi mawh,” a ta.

MATTHAI 16:3

Chun, a zîngkâr chun, ‘Vawisûn chu khuo a se ding nîng a tih, kâwl a sen a, vân ân nîm êm el,’ in ti hlak a. Vân umzie in hrietthiem thei sih a, nisienlakhawm, hun inchiknahai hi in hriet fie thei si nawh a.

LUKA 21:28

Chun, chuong thil chu a hung tlung hlimin, dâk suok unla, hang en ro; in intlanna ding a hnai ta leiin,” a ta.

1 KORINTH 10:11

Chun, chuong chu inentirna dingin an chungah a hung tlung a ni kha; eini hun tâwp hung tlungnahai hi mi zil dingin an ziek a n i bawk a.

1 KORINTH 15:34

Feltakin har unla, suksuol naw ro; ṭhenkhat chun Pathien hrietna hrim in nei naw hi; hi hi in inzakna dinga ka hril a nih.

EPHESI 5:14

suklanga um taphawt chu var a ni sih a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

JAKOB 5:8

Nangni khawm seltakin um ro; in lungril sukdet ro; Lalpa hungna chu a hnai ta sih a.

1 PETER 4:7

Nisienlakhawm, thil po po tâwpna chu a hnai tah a, chuleiin, in ṭawngṭai theina dingin lungril feltak putin fimkhur ro.

2 PETER 3:11

Chuong thilhai chu chuong anga bohmang vawng ding a nih ti in hriet leiin um dân inthieng le Pathien ngaisak kawnga chun mi ieng ang am in ni ding a na?

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bo- hmang loa mi po po sim ditpuiin, nangni tiengah a dâwthei a ni lem.

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

THUPUONGSUO 1:3

Hi hrillâwkna bu thu tiemtu le ngaia a sûnga thu ziek pawmtuhai chu an hamṭha; a hun chu a hnai ta sih a.

THUPUONGSUO 22:10

Chun, ama chun ka kuomah, “Hi lekhabu hrillâwkna thuhai hi ip naw; a hun chu a hung tlung ding a ni ta sih a.

THUPUONGSUO 22:12

“Ngai ta, ka hung vak ding a nih; mi tin an thilthaw ang peia pêk dingin ka lâwmman ka kuomah a um a.

THUPUONGSUO 22:20

Hieng thu inhriettirtu hin, “Anih, ka hung vak ding a nih,” a tih. Amen, hung ta la, Lalpa Isu.