ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:6 - Pathien Lekhabu Inthieng (BSI)

⁶ Lunginsietna ei kuoma pêk ang sengin thilthlâwnpêk hi a tum tum ei nei seng a, thu hril ding a ni chun, ei ringna phutâwk peiin hril ei tiu;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:6 ပူးပေါင်းရင်းမြစ်များ

MATTHAI 23:34

“Ngai ta u, chuleichun, in kuomah zâwlneihai, mi varhai, inchûktirtuhai, ka hung tir ding a nih; ṭhenkhat sukhlum in ta, krawsah hemdêng in tih, ṭhenkhat inkhâwmna inhaiah savun hruiin vuong in ta, khaw tinah suknawmna zui pei in tih.

MATTHAI 25:22

Chun, talent hni dawngtu khawm chu a hung a, ‘Pu, nangin talent hni i mîn kawltir kha, en ta, talent hni dang ka sukdawk,’ a ta.

LUKA 11:49

Chuleiin, Pathien varna khawmin, ‘An kuomah zâwlneihai le tirkohai tir ka ta, a ṭhen that an ta, a ṭhen suknawmnâng an tih;

THILTHAWHAI 13:1

Chun, Antiokeia kohran lai chun thu hriltuhai le inchûktirhai an um; chuong chu Barnaba hai, Simeon Niger an ti hai, Kurini khuoa Lukia hai, lal Herod unau Manaina hai, Saula hai leh an nih.

THILTHAWHAI 15:32

Chun, Juda le Sila chu zâwlnei an ni bawk a, thu tamtakin unauhai chu an thlamuon a, an sukdet a.

THILTHAWHAI 2:17

Pathienin, ‘Ni nuhnungahai chun hieng hi nîng a ta, Mi po po chungah ka Thlarau buok ka ta; Chuongchun, in naupahai, in naunuhaiin ka thu hril an tih; In tlangvâlhaiin inlârnahai hmûng an ta, In tarhaiin mangah mang an ta;

THILTHAWHAI 21:9

Ama chun naunuhmei pali a nei a, nunghâk inthieng an nih, Pathien thu an hril hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:11

In detna dinga Thlarau tieng thilpêk iengamanih ka pêk theina ding cheuin hmu cheu kân hâwk hle a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu loin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

1 KORINTH 12:18

Nisienlakhawm, Pathienin pêng tin hi taksaah a nuomna poah ân umtir seng tah a nih.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 KORINTH 14:1

Hmangaina hi hnawt pei unla, Thlarau tieng thilpêk chu châk hle ro; amiruokchu, thu in hril theina ding lem chun châk bîk ro.

1 KORINTH 14:24

In rêngin thu inhril ruok chun, awinaw amanih, la hrelo amanih hung lût sien la, a thiemnawzie in rênga suklang ni tâng a tih; in rênga suosal ni tâng a tih;

1 KORINTH 14:29

Thuhriltuhai khawmin, pahniin amanih, pathumin amanih, hril sienla, mi danghai chun nguntakin ngaituo raw hai se.

1 KORINTH 3:5

Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

1 KORINTH 7:7

Nisienlakhawm, mi po po keia angtak hin um vawng hai sien ka nuom a nih. Amiruokchu, mi tinin Pathien kuoma inthawkin thilpêk mâni hmu zâwng an nei seng a nih; pakhatin kawng dangin, a dangin kawng dangin.

2 KORINTH 8:12

Inzona chu a um phawt chun, mi a nei naw sa ni loin, a neizie ang peia a pêk chu lâwm tlâk a ni sih a.

EPHESI 3:5

Chu chu tulaia a tirko inthieng- hai le zâwlnei inthienghai kuoma Thlarau inhriettirin a um ta ang hin, tuta hma tieng khan mihriem nauhai kuoma inhriettirin a um ngai nawh.

EPHESI 4:11

Chuongchun, ṭhenkhathai chu tirko ni ding dâmin, ṭhenkhathai chu zâwlnei ni ding dâmin, ṭhenkhathai chu Chanchin Ṭha hriltu ni ding dâm- in, ṭhenkhathai chu kohran châwmtu le inchûktirtuhai ni ding dâmin a pêk a:

PHILIPPI 3:15

Chuongchun, puitling taphawt chu chuong ang lungril putin um ei tiu; chun, ieng kawnga khawm lungril danglam put in lo ni chun, chu khawm chu Pathienin lân hriettir a ti cheu.

1 THESSALONIKA 5:20

Thu hrilhai hmusit naw ro;

2 PETER 1:20

Pathien Lekha Thu hrillâwk hrim hrim hi mâniin hrilfie ding a ni nawh ti hre hmasa phawt unla.