ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2 - Pathien Lekhabu Inthieng (BSI)

² Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2 ပူးပေါင်းရင်းမြစ်များ

EZRA 10:11

Chuleiin, tuhin, in thlatuhai Pathien LALPA kuoma chun thupha- chawina siem unla, a dit zâwng chu thaw ro: chuongchun, hmêlmak nu- hmeihaia inthawk le hi ram mihaia inthawkin nangni chu insiehre ro,” a ta.

INPÂKNA HLABU 119:103

I thuhai hi ka bau ta dingin a va thlum de; Anih, ka bau ta ding chun khuoizu nêkin a thlum lem.

INPÂKNA HLABU 119:128

Chuleiin, kawng tinrêng thuah, i thununna thuhai po po chu indikin ka hriet a, Um dân indik naw tinrêng hi ka theida a nih.

INPÂKNA HLABU 119:174

Aw LALPA, i sandamna chu ka châk hlak a, I dân chu ka lâwmna a nih.

INPÂKNA HLABU 119:72

Rângkachak le tangka sâng tamtak nêk chun, I baua dân suok chu ka ta dingin a ṭha lem.

INPÂKNA HLABU 119:97

Aw, i dân hi ka va ngaina de aw! Sûnnithlâka ka ngaituo hlak chu a nih.

INPÂKNA HLABU 34:8

Aw LALPA ṭhatzie chu intem sin hrim ta u: Amaa ringna innghattu chu a hamṭha.

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

FESUOKNA 23:2

Thil suol thaw dingin mipui chu i zui ding a ni nawh a; indikna keikâwi dinga mi tamna tieng tienga ṭhangin thubuoiah hrietpuitu i ni ding a ni bawk nawh;

EZEKIEL 18:31

In bawsietnahai po po, in lo bawsiet tahai chu, nangnia inthawk- in peihâwn unla, thlarau thar le lung- ril thar insiempêk unla, aw Israel sûngkuo, iengdingin am thîng in ta?

EZEKIEL 36:26

Lungril thar pêng ka ti cheu a, thlarau thar nangniah sie bawk ka tih; chun, in tisaa inthawkin lungril lung ang chu la hmang ka ta, tisa lungril innêm pe lem ka ti cheu.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

MARKA 4:19

nisienlakhawm, khawvêl lung- khamnahai, hausakna hlêmnahai, thil dang châknahai chu a hung lût a, thu chu a dîp a, ra loin a lo um hlak.

JOHAN 14:30

In kuomah thu hril nâwk mang ta naw ning, khawvêl lal a hung ding a ni sih a, ama chun keimaah iengkhawm a nei nawh,

JOHAN 15:19

Nangni khawvêla mi ni unla, khawvêlin amaa mi a hmangai ding bah; khawvêla mi in ni si nawh a, khawvêla inthawka ka thlang suok lem cheu leiin, khawvêlin a theida cheu a nih.

JOHAN 17:14

I thu an kuomah ka pêk tah; chun, khawvêlin anni chu an theidah a, khawvêla mi an ni naw leiin, kei khawvêla mi ka ni naw ang bawkin.

JOHAN 7:7

Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pa- thien lunginsietna lei hin in- thâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:12

Chuongchun, Dân chu ân thieng a, thupêk khawm chu ân thieng a, a fel a, a ṭha a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:14

Dân chu Thlarau tieng thil a nih ti ei hriet sih a; kei ruok chu tisa tienga mi, suol suoka zawr ta hnung ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:22

Ka lungril takin Pathien dân chungah ka lâwm si hlak a;

1 KORINTH 3:19

Hi khawvêl varna hi Pathien ngaiah invêtna a ni sih a. “Ama chun mi varhai chu anni var vervêknaah a âwk hlak,” ti ziek a ni sih a.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel tah a.

2 KORINTH 5:17

Chuleichun, tûkhawm Kristaa a um chun thilsiem thar a hung ni tah a; thil hluihai chu a bo tah a, ngai ta u, a hung thar tah.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pe tah a;

EPHESI 1:18

Chuongchun, in lungril mithai sukvara umin hieng hi hung hre thei in tih:

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

EPHESI 5:17

Chuleichun, invêt nuom naw unla, Lalpa ditzâwng ieng am a na ti lo hre lem ro.

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh a.

KOLOSSA 3:10

Mihriem thar chun in inthuom ta sih a, chu mihriem thar chu, hriet famkimna nei dingin a siemtu angpui anga siem tharin a um mêk a nih;

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng ta- phawta puitling le ring tlatna neia in ngîr theina dingin a ṭawngṭaina- haia chun in ta dingin a thaw rawp a nih.

1 THESSALONIKA 4:3

Pathien dit zâwng, in inthiengna ding chu, hi hi a nih, indit bânsan unla;

TITA 3:5

thil feltaka thaw, eini ngeia thawhai chu, chu lei chun ni loin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 PETER 1:14

nau tiawihai angin, in hriet naw laia in tienlai châknahai anga um loin;

1 PETER 1:18

In thlatuhai ipêk sâwng, in um dân ieng ni barloa inthawk chu, thil se thei, tangka le rângkachaka intlan in ni nawh a,

1 PETER 2:3

Lalpa chu mi lunginsiet theitak a nih ti in hriet ta sih a.

1 PETER 4:2

Chuongchun, hi hnunga tisaa in la um sûng po chu mihriem châk- nahai tienga um ta loin, Pathien dit zâwng tieng um tâng in tih.

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

2 PETER 2:20

Lalpa le Sandamtu Isu Krista an hriet leia khawvêl inthieng nawnahai an tlân suok san hnungin chutaka bawk chun an intâng nâwk a, ngama an um nâwk si chun, an umze nuhnung chu a tîra nêk chun a hung se ta lem nîng a tih.

1 JOHAN 3:13

Unauhai, khawvêlin an theida cheu chun mak ti naw ro.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.