ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12 - Pathien Lekhabu Inthieng (BSI)

¹² beiseina kawnga chun, lâwm unla; rinum tuor kawnga chun tuor- sel unla, ṭawngṭaina kawnga chun ṭawngṭai fan fan ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12 ပူးပေါင်းရင်းမြစ်များ

INPÂKNA HLABU 109:4

Ka lunginsiet leiin a mi dotuhai an hung ni tah a; Nisienlakhawm, kei chu ṭawng- ṭâi dingin kân pêk tlat a.

INPÂKNA HLABU 37:7

LALPAA chun châwl la, ama chu nghâk fan fan rawh; Ama lampuia vângneina dawngtu lei chun insuklungngai nuom naw rawh, Ngaituo suolhai puitlintu lei chun.

INPÂKNA HLABU 40:1

LALPA chu ka nghâk fan fan a, Chuongchun, ama chu ka kuom tieng a hung thleh a, Ka ko chu a ngai tah a.

INPÂKNA HLABU 62:8

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

THUVARHAI 10:28

Mi fel beiseina chu lâwmna nîng a ta, Mi khawhlo beiseina ruok chu bohmang a tih.

THUVARHAI 14:32

Mi khawhlo chu a thilthaw ri- loa chun sukthlûkin a um a, Mi fel ruok chun a thinaa chun beiseina a nei hlak.

MATTHAI 5:12

“Lâwm unla, nasatakin hlim ro; vânah in lâwmman a um râwn sih a; chuong ang bawkin in hmaa zâwlnei umhai khawm an suknawmna hlak kha.

LUKA 10:20

Nisienlakhawm, khawhrihai in thu thua an um leiin lâwm naw ro; vâna in hming ziek a ni leiin lâwm lem ro,” a ta.

LUKA 21:19

In selnain in hringna sanhim in tih.

LUKA 8:15

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

THILTHAWHAI 1:14

Chuonghai po po chun nuhmei tuhai amani le Isu nu Mari leh, Isu unauhai leh, lungril hmunkhata ṭhahnemngaitaka ṭawngṭaiin an um a.

THILTHAWHAI 12:5

Chuleiin, Peter chu intângna inah ân umtir hrih a; nisienlakhawm, kohranhaiin ama ta dingin ṭha- hnemngaitakin Pathien kuomah an ṭawngṭaipêk hlak a.

THILTHAWHAI 2:42

Chun, tirkohai inchûktirin, in- pâwlin, bei khawiin, ṭawngṭaiin ṭhahnemngaitakin an um zing a.

THILTHAWHAI 6:4

Keini ruok chu ṭawngṭai le thu rawngbâwlin um tlat kan tih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawthei- na zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai ta- phawt chu eini inchûktirna dinga ziek an ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:25

Ei hmu naw chu ei beisei chun ei nghâk fan fan hlak a nih.

1 KORINTH 13:13

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

2 KORINTH 12:8

Chu chungchâng thua chun, a mîn kiengsan theina dingin Lalpa chu vawi thum ka hnih a.

PHILIPPI 3:1

A tâwp taka chun, unauhai, Lalpaa chun lâwm ro. Thu pângngai in kuoma ziek rawp hi keia ta ding chun nghawkum a ni nawh, nangni ta dingin a ṭhahnem bawk sih a.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In zaidawtheizie mi po po hriet ni raw se.

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.

KOLOSSA 1:27

Chuonghai kuoma chun Jentail- hai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng ta- phawta puitling le ring tlatna neia in ngîr theina dingin a ṭawngṭaina- haia chun in ta dingin a thaw rawp a nih.

KOLOSSA 4:2

Ṭawngṭai fan fan unla, chutaka chun lâwmthu hril pumin ngaiven ro.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil loa hre zingin.

1 THESSALONIKA 5:8

Nisienlakhawm, eini chu nia mi ei ni lei hin, ringna le hmangaina âwmphaw chu hâkin, sandamna beiseina chu lukhuma hmangin ngaiven lem ei tiu.

2 THESSALONIKA 1:4

Chuongchun, suknawmnatna le rimsikna in tuornahai po poa in selna le in ringna hai lei khan, keini ngeiin Pathien kohranhai lai kan suong hlak cheu a nih.

2 THESSALONIKA 3:5

Chun, Lalpa chun in lungril- hai chu Pathien hmangainaa le, Krista selnaa chun ṭhuoi lût raw se.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, daw- theina dâm, thuhnuoirawlna dâm hnawt pei rawh.

2 TIMOTHE 3:10

Nang ruok chun ka închûktirna dâm, ka um dân dâm, ka thiltum dâm, ka ringna dâm, ka dawtheina dâm, ka hmangaina dâm, ka selna dâm i hriet hle kha;

TITA 2:13

beiseina lâwmum ei Pathien ropuitak Sandamtu Isu Krista ropui- na inlârna chu nghâk dingin a mîn chûktir a.

TITA 3:7

Chuongchun, a lunginsietnaa thiem inchangtira hung umin, cha- tuona hringna beiseina ang peiin rohluotu dinga siemin um thei ei tih.

HEBRAIHAI 10:32

Nisienlakhawm, inhmaa suk- vara in um hnunga tuorna buoi nasatak in tuor lai nihai kha hre nâwk ro:

HEBRAIHAI 10:36

Pathien dit zâwng in thaw hnungin thiltiem chu in hmu theina dingin selna in ngai a nih.

HEBRAIHAI 12:1

Chuongchun, chuong ang lâwma tam, mi thlîrtuhai in- huol vêla ei um leiin, a mi sukhnawk taphawt le suol einia kawp tlat chu sie thla vêng ei ta, ei hmaa intlânsiekna uma hin seltakin tlân pei ei tiu.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

HEBRAIHAI 5:7

Ama chun a tisa put lai nihaia khan thinaa inthawka ama sandam theitu kuoma khan nasataka khêk le mitthli tla puma ṭawngṭainahai le hninahai ân hlân a, a ṭi dêk leiin ngaiin a um a,

HEBRAIHAI 6:12

Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

HEBRAIHAI 6:15

Chuongchun, seltaka a tuor suok hnungin thiltiem chu a hmu ta ngei a.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

1 PETER 4:13

Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.

1 PETER 4:7

Nisienlakhawm, thil po po tâwpna chu a hnai tah a, chuleiin, in ṭawngṭai theina dingin lungril feltak putin fimkhur ro.

2 PETER 1:6

in hrietnaa chun insûmna, in insûmnaa chun selna, in selnaa chun Pathien ngaisakna,

THUPUONGSUO 13:10

Tûkhawm sala um ding ani chun salah a um hlak, tûkhawmin kâwlhnâma mi a that chun kâwl- hnâma that ding a nih. Hitaka hin mi inthienghai selna le ringna inlang theina a um.