ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26 - Pathien Lekhabu Inthieng (BSI)

²⁶ Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26 ပူးပေါင်းရင်းမြစ်များ

INPÂKNA HLABU 106:47

Aw LALPA, kan Pathien, mi sandam la, Hnam tin laia inthawk hi mi ṭhuoi khawm rawh: I hming inthieng kuoma lâwmthu hril ding le, Nangma inpâkna chawimawi dingin.

INPÂKNA HLABU 14:7

Israelhai sandamna chu Ziona inthawkin hung suok sienla chu aw! LALPA chun a mihai sala an um chu a ṭhuoi kîr nâwk pha chun, Chu pha chun Jakob rawi hlim tâng an ta, Israel lâwm tâng an tih.

ISAI 45:17

Israelhai ruok chu kumkhaw sandamnaah, LALPA sandamin um an tih: chatuon chen khawmin muolphoin inzak naw ti niu.

ISAI 59:20

“Chun, Ziona chun intlantu hung a ta, Jakobhai laia bawsietna nghatsantuhai kuoma khawm hung a tih,” LALPAIN a tih.

JEREMIA 31:1

LALPA chun, “Chu pha chun Israel pahnam po pohai Pa- thien chu nîng ka ta, anni chu ka mihai nîng an tih,” a tih.

EZEKIEL 39:25

“Chuleiin, Lalpa PATHIEN chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

HOSEA 3:5

Chu hnunga chun Israel thlahai chu hnungkîr an ta, LALPA an Pathien le an laltak David chu zawng an ta; ni nuhnunghaia chun LALPA le a ṭhatna chu inthin pumin pan an tih.

JOEL 2:32

Chun, hieng ang hi nîng a ta, tukhawm LALPA hming lam taphawt chu sanhim nîng an tih; LALPAIN a hril ang khan a tlânsuokhai chu Zion tlânga le Jerusalem khuoah an um âwm sih a, chu hai lai chun LALPAIN a kohai chu ṭhang an tih.”

MATTHAI 1:21

Naupasal nei a ta, a hming chu Isu sak i tih; ama chun a mihai an thil suksuolnaa inthawkin a sandam ding a ni sih a”, a ta.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.