ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:2 - Pathien Lekhabu Inthieng (BSI)

² Pathienin mi a ihriet lâwkhai chu a pei thlâk nawh. Pathien Lekha Thu chun Elija, thu a hril hi in hriet naw am a nih? Ama chun Israelhai chungthu Pathien kuomah ân tlun a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:2 ပူးပေါင်းရင်းမြစ်များ

INṬANNA 44:15

Chun, Josef chun an kuomah, “Ieng thil am an ta leh in thaw hi? Keia ang mi hin ai an sân thiem ngei ngei ti in hriet naw am a nih?” a tih a.

NEHEMIA 9:30

Nisienlakhawm, kum tamtak anni chu i dawh a, i thlaraua i zâwl- neihai hmangin i kâwk hlak a; nisien- lakhawm, an na an suksêt a; chuleiin, chu rama mihai kuta chun i pêk tah a.

INPÂKNA HLABU 94:14

LALPA chun a mihai a pei thlâk âwm si nawh a, A rochan chu mâksan bawk naw nih.

FESUOKNA 32:1

Mipui chun Mosie chu tlânga inthawk chun a hung thla intak hle ti an hmu chun anni mipui chu Aron kuomah an hung inkhâwm a, a kuomah, “Tho la, kan hma ṭhuoitu dingin pathienhai mi siem- pêk rawh: hi Mosie Aigupta rama inthawka mi ṭhuoi suoktu hlak hi ieng am a chang a ni tah kan hriet si nawh a,” an tih a.

JEREMIA 31:37

LALPA chun hieng hin a tih: Chunga vân khi inkhi thei a na, hnuoia leihnuoi lungphûm chu zawng suok thei a ni chun, thil an lo thaw tahai po po lei khan Israel chi chu pei hmang vêng ka tih: LALPA chun a tih.

NAMBAR 16:15

Chuongchun, Mosie chu a lung a sen hle el tah a; LALPA kuomah, “An thilinhlân chu pawm naw rawh, an sabengtung chu pakhat khawm ka lâk nawh a, tukhawm ka sukna bawk nawh,” a ta.

MARKA 12:26

Chun, mithihai keithoa an um ding thu chu, Mosie lekhabua chîmbuk thua khan Pathienin ‘Kei Abraham Pathien, Isak Pathien, Jakob Pathien ka nih,’ tia a biekzie kha in tiem naw am a nih?

LUKA 4:1

Chun, Isu chu Thlarau Inthiengin a sip a, Jordan vadunga inthawk- in a kîr nâwk a, thlalêrah ni sâwmli Thlarau ṭhuoia umin Diebol thlêmin a um a.

JOHAN 4:11

Chun, nuhmei chun a kuomah, “Pu, khaina iengkhawm i nei si nawh a, tuisunsuo ân thûk vei leh, khâwlaia inthawkin am tui hring chu i hmuh a?

THILTHAWHAI 13:48

Chun, Jentailhai chun chuong thu chu an hrietin an lâwm a, Pathien chu an chawimawi a, chun, chatuona hring dinga ruot po chun an ring tah a.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.

THILTHAWHAI 3:17

“Nisienlakhawm, unauhai, in hotuhai khawmin an inmâwl leia an thaw ang khan, in inmâwl leiin hieng hi in thaw a nih ti ka hriet.

THILTHAWHAI 7:40

Aron kuomah, ‘Kan hmaṭhuoitu dingin pathienhai mi siempêk rawh, Mosie Aiguptaa mi ṭhuoi suoktu hlak hi a chanchin kan hriet ta si nawh a,’ an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:16

Tu kuoma khawm an thu awi dinga an suoka in lût chun, thina khawpa suol suok amanih, felna khawpa thuawina suok amani khawm ni sienla, a thu in iawi suok chu in nih ti in hriet naw am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:23

Lunginsietna bêl, ropui dinga a lo buotsai lâwkhai chunga chun a lunginsietna hau zie ân entir theina ding a ni phawt chun.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:6

Nisienlakhawm, Pathien thu chu iengkhawm ni lo anga um ta a ni nawh a. Israelhai chu Israel mi an ni vawng chuong nawh.

1 KORINTH 6:2

Anleh, mi inthienghai chun khawvêl hi an ngaituo ding a nih ti in hriet naw am a nih? Chun, khawvêl hman hi in ngaituoa um ding a ni chun, thil chîntakhai khawm chu ngaituo tlâklo in ni ding am a nih?

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

PHILIPPI 1:22

Nisienlakhawm, tisaa hring hi ka chan ni sienla, chu chu ka sinthaw ra ni ta ang sien, chuongchun, a ieng am ka thlang lem ding chu ka hriet nawh.

HEBRAIHAI 1:1

Pathien inhmaa thlatuhai kuoma bung tamtak le kawng tinrênga zâwlneihaia thu lo hriltu khan,

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inrem- na sukpungin um raw se.