ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15 - Pathien Lekhabu Inthieng (BSI)

¹⁵ Tir an ni naw chun iengtin am thu hril an ta? “Thil ṭha chanchin lâwmum intluntuhai ke chu a va mawi de!” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15 ပူးပေါင်းရင်းမြစ်များ

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 52:7

Tlângahai chanchin ṭha intluna, inremna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’ LALPAIN a tih, ama chu sukdam ka tih.

ISAI 61:1

Mi rimsihai kuoma chanchin ṭha hril dingin LALPAIN hriek a mi nâl leiin, Lalpa PATHIEN thla- rau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, LALPA chun a tih; anni chu ka tir nawh a, thu khawm ka pêk nawh a; hi hnam hi suksâwt chuong dêr bawk naw ni hai, LALPA chun a tih.”

NAHUM 1:15

Tlânghaia chanchin ṭha in- tluna, inremna thu tlânginsampui- tuhai ke chu en ta! Aw Juda, i ruoi- ṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw cheh a, sukbohmang dêr a ni tah a nih.

MATTHAI 9:38

Chuleiin, a bu sîk dinga sin- thawtu dinghai tir dingin bu Neitupa kuoma chun ngên ro,” a ta.

LUKA 10:1

Chu zoa chun Lalpân mi dang sâwmsari a ruot a, a fena ding khaw tina le hmun tinah, a hmaah pahni peiin a tir a.

LUKA 2:10

Chun, vântirko chun an kuomah, “Ṭi naw unla, ngai ro, mi tin ta ding chanchin ṭha lâwmum bêk bêk ka hung intlun cheu a nih.

LUKA 2:14

“A chunghnungtakah Pathien ropuitakin um raw se, Hnuoi chunga a ilâwm bêk bêk mihriemhai kuomah inremna thu inlêng raw se,” an tih a.

LUKA 8:1

Chun, a nakie deu chun Isu thu hril le Pathien ram Chanchin Ṭha intlun pei pumin khaw lien le khaw têhai a fang pei a, a kuomah sâwm le pahnihai chu an um a;

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

THILTHAWHAI 10:36

Ama chun thlamuongna Chan- chin Ṭha Isu Krista baua hrilin Israel thlahai kuomah thu ân phur a, (Isu chu mi po po Lal a nih).

THILTHAWHAI 13:26

“Unauhai, Abraham thla nau- hai, nangni laia Pathien ṭi po pohai, eini kuoma hin hieng sandamna thu hi a mi hung inphur suok a ni hi.

THILTHAWHAI 22:21

“Chun, ama chun, ‘Fe rawh; hitaka inthawka hlatakah, Jentail- hai kuomah tir lem ka ti che,’ a mi tih a,” a ta.

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel thlahai kuoma ka hming put lûtna dinga ka bêl ruot a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:15

Chuongchun, nangni Rom khuoa mihai kuoma khawm Chan- chin Ṭha ka theitâwpa hril dingin inzosa zinga um ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:20

mi dang lungphûm chunga rem ka ni nawna dingin, Chanchin Ṭha chu Krista hming lama a umna ta hmuna chun hril loin,

EPHESI 2:17

Chun, a hungin nangni hlataka umhai kuomah inremna Chanchin Ṭha a hril cheu a, hnaitaka umhai kuoma khawm Chanchin Ṭha a hril bawk a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chan- chin chu Jentailhai kuoma hril ding le,

EPHESI 6:15

remna Chanchin Ṭha inbuot- saina chu in kea bunin ngîr ro.

1 PETER 1:12

Chuong thu chun mani rawng inbâwl loin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.