ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:14 - Pathien Lekhabu Inthieng (BSI)

¹⁴ Anleh, an awi naw chu iengtin am lam an ta? A thu an hriet naw chu iengtin am awi an ta? Thuhriltu um loin iengtin am hrieng an ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:14 ပူးပေါင်းရင်းမြစ်များ

JONA 1:16

Chuongchun, mihai chun LALPA chu nasatakin an ṭi tah a; LALPA kuoma chun inthawina an inhlân a, thu dâm an tiem tah a.

JONA 1:5

Chun, lawng mihai chun an ṭih a, mâni pathien an ko seng a; lawng chu an ta dinga a zângna dingin lawng sûnga thuomhnawhai chu tuisuorieta chun an pei suok tah a, Jona ruok chu lawng sûngril taka chun a lo lût tah a, a lo zâl a, a lo ininnghil dêr tah a.

MATTHAI 20:7

Anni chun a kuomah, ‘Tu- khawmin an mi ruoi naw leiin,’ an ta. Ama chun an kuomah, ‘Nangni khawm grêp huonah va fe ta u,’ a ta.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 9:36

Ama chun, “Pu, ama chu tu am a na, mi hril rawh, ka ring theina dingin?” a ta, a dawn a.

THILTHAWHAI 19:2

chun, ama chun an kuomah, “In ring tîr lai khan Thlarau Inthieng in chang am?” a ta. Anni chun a kuomah, “Chang lo, Thlarau Inthieng a um ti khawm kan hriet nawh,” an ta.

THILTHAWHAI 8:31

Ama chun, “Tukhawmin an mi hrilfie naw chun, iengtin am hre thei ka ta?” a ta. Chun, a kuoma hung ṭhung dingin Philip chu a fiel tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5

A hming leia hnam tin laia mi ringna thu chu inzâwmtir dingin; ama zâra chun lunginsietna le tirko nina chu kan chang tah a;

EPHESI 2:17

Chun, a hungin nangni hlataka umhai kuomah inremna Chanchin Ṭha a hril cheu a, hnaitaka umhai kuoma khawm Chanchin Ṭha a hril bawk a.

EPHESI 4:21

a rawl chu in ngai tah a, ama inchûktirhai in ni angin Isua thutak um chu inchûktirin in um tah a.

DÂN PAHNINA 30:13

‘kan hrieta kan zâwm theina dingin tuisuoriet râlah tu am mi fepêk a ta, mi hung lapêk a ta?’ ti dingin tuisuoriet râla mi khawm a ni chuong nawh.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

TITA 1:3

nisienlakhawm, ama hun taka- hai chun a thu chu thuinchaa chun a suklang tah a, chu thuincha chu Pathien ei Sandamtu thupêk ang peia inkawltir ka nih.

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

JAKOB 5:15

Chun, ringnaa ṭawngṭaina chun damnaw chu sukdam a ta, Lalpa chun ama chu keitho a tih; chun, thil a lo suksuol ta chun, ngaidampêk nîng a tih.