ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5 - Pathien Lekhabu Inthieng (BSI)

⁵ A hming leia hnam tin laia mi ringna thu chu inzâwmtir dingin; ama zâra chun lunginsietna le tirko nina chu kan chang tah a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5 ပူးပေါင်းရင်းမြစ်များ

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

MALAKI 1:14

Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.

JOHAN 1:16

A famkimna ei chang seng, lunginsietna chunga lunginsiet nâwksâwnna leh.

THILTHAWHAI 1:25

Juda chun ama umnaa a fe theina dinga hieng rawngbâwlna le tirko sin a tlâwmsan ai awtu dingin,” an ta.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

THILTHAWHAI 6:7

Chun, Pathien thu chu a hung indar a; Jerusalema inchûktirhai an pung ta bêk bêk a; thiempu laia khawm mi tamtak chu ringna awi mi an ni tah a.

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel thlahai kuoma ka hming put lûtna dinga ka bêl ruot a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu loin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai le- khathuin hnam tin kuomah inhriettir a ni tah a, mi tinin an ringa an zâwm theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:29

Pathien chu Judahai Pathien chau am a nih? Jentailhai Pathien khaw m a ni ve naw am a nih? Ni veh e.

1 KORINTH 15:10

Nisienlakhawm, Pathien lung- insietna leiin ka ni ni ka ni tah; chun, a lunginsietna a mi pêk chu a thlâwnin a um nawh a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw nawh a, Pathien lunginsietna ka kuoma um khan a thaw lem a nih.

1 KORINTH 9:2

Mi danghai ta dingin tirko ni naw lang khawm, nangni ta ding bêk chun ka nih; Lalpaa ka tirko nina inchikna chu nangni hi in nih in sawnnaw.

EPHESI 1:12

keini Krista lo beisei hmasatu- hai hi a ropui inpâkna kan lo nina dingin.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni tah a,