ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:20 - Pathien Lekhabu Inthieng (BSI)

²⁰ Amaa mizie hmu thei lo hai, a chatuon thilthawtheina le a Pathien nizie chu, leihnuoi siem tîra inthawkin chiengtaka hmuin a um a, thilsiema chun ân lang a nih; chuleichun, suonlam ding hrim an nei nawh;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:20 ပူးပေါင်းရင်းမြစ်များ

INṬANNA 1:1

A tîrin Pathienin hnuoi le vân a siem a.

INṬANNA 21:33

Abraham chun Beer-sebaa chun tamarisk thing a phun a, chutaka chun LALPA Chatuon Pathien hming chu a lam a.

JOB LEKHABU (THE BOOK OF JOB) 12:7

Amiruokchu, tuhin ramsahai khawm chu indawn la, inchûktir an ti che; Chunglêng vatehai khawm chu indawn la hril an ti che.

INPÂKNA HLABU 104:31

LALPA ropuina chu kumkhaw- tluongin um sienla, LALPA chu a thilthawahai chun hlim raw se.

INPÂKNA HLABU 104:5

Leihnuoi innghatsanhai chu i phûm a, Kumkhawtluonga ân hnîng nawna dingin.

INPÂKNA HLABU 119:90

I ringumna chu suon po po chenin um a ta, Leihnuoi hi i sukdet a, a um zing a nih.

INPÂKNA HLABU 139:13

Nangma ngeiin ka lungril i nei a, Ka nu phîng sûngah i mîn khum a.

INPÂKNA HLABU 8:3

I vân, i kutsuokhai, Thla le arasi i ruothai khi ka ngaituo châng chun,

INPÂKNA HLABU 90:2

Tlânghai insieng hmaha, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

ISAI 26:4

LALPA chu kumkhuoin ring ro; LALPA JEHOVAA chun kumkhaw lungpui chu a um sih a.

ISAI 40:26

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

JEREMIA 5:21

Aw hrietthiemna boa mi invêt- hai, tuhin hi hi lo ngai ta u; mithai nei sia, hmu lohai, nahai nei sia hre lohai;

JEREMIA 51:15

“A thilthawtheinân hnuoi chu a siem a, a varnain khawvêl chu a tungding a, a hrietthiemna chun vân- hai khi a keiphar bawk a;

MATTHAI 5:45

in Pa vâna mi nauhai in ni theina dingin; ama chun mi suolhai le mi ṭhahai chunga chun a nisa ân suoktir a, mi fel le mi fel nawhai chunga khawm ruo ân sûrtir hlak a nih.

MARKA 10:6

Nisienlakhawm, leilung insîeng tîra inthawk chun, ‘Anni chu nuhmei le pasalin a siem a nih,’

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 15:22

Kei hungin an kuomah thu hril naw lang chu suol an nei naw ding bah; tu ruok hin chu an suol suonlam ding an nei ta naw a nih.

THILTHAWHAI 17:29

Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiem le remruot- a suthai ang hi amanih ei ti ding a ni nawh.

THILTHAWHAI 22:1

“Unauhai, pahai, tuhin in kuomah ka thiemna thu ka hril ding cheu a ni hi lo ngai ro,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:19

Pathienin ân hriettir ta leiin, Pathien chanchin hriet dinghai chu an lungrilah inhriettirin a um sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai le- khathuin hnam tin kuomah inhriettir a ni tah a, mi tinin an ringa an zâwm theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:1

Chuleiin, aw mihriem, mi sawi- sêltu tûkhawm ni la, suonlam hrim i nei nawh, mi dang i sâwisêlna ngeia chun nang le nang thiemnaw inchangtir i nih i sawnnaw! nang a sawisêltu ngei khawma, chuong ang thil chu i thaw ve hlak sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:15

an lungrilah dân sinthaw chu ziek a nih ti an inentir a; chu chu an sie le ṭha hrietnain an hrietpui a, an lungrilhai chu ân sêl a, akâr leh thiem ân changtir vak a, akâr leh thiemnaw ân changtir vak a.

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

DÂN PAHNINA 33:27

Chatuon Pathien chu în humhimna a na, Hnuoi tienga chun chatuon bân a um, Hmêlmahai chu a vaikiengpêk hlak cheh a, ‘Sukbohmang rawh,’ a tih a.

DÂN PAHNINA 4:19

Annawleh, vân tieng in hang nghah a, nisa dâm, thla dâm, arasi dâm, vân mi hai po po dâm in hang hmuh a, LALPA in Pathienin vân- khuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.

KOLOSSA 1:15

Ama chu hmu thei naw Pathien angpui, nau lutîr, thilsiemhai po po nêka chunghnung lem a nih.

KOLOSSA 2:9

Amaa chun Pathien famkimna tinrêng chu taksa neiin a um zing sih a.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol loa chun a um a, ama chu tûkhawmin an hmu ngai nawh a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 11:27

Ringnain lal lunginsenna chu ṭi loin Aigupta ram a mâksan a, hmu thei naw Pathien chu a hmu leiin a tuor fan fan a nih.

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!