PHILIPPI 4:5 - Pathien Lekhabu Inthieng (BSI)

⁵ Lalpa chu a hnai a, ienga khawm lunginzing naw ro.

PHILIPPI 4:5 ပူးပေါင်းရင်းမြစ်များ

MATTHAI 6:25

“Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?

MATTHAI 6:34

Chuongchun, a zînga dingin lungkham naw ro, a zîng chun ama ding chu a lungkham fâwm ding a ni sih a. Ni khat dingin ni khat rimsik a hun a nih.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârloin in chungah hung tlung phut a tih.

1 KORINTH 16:22

Tûkhawmin Lalpa a hmangai naw chun ṭawngsephurin um raw se. Ei Lalpa chu a hung ie.

1 KORINTH 6:7

Anih, hi hi in fel zo zânnawna pakhat chu a ni pang el, thubuoi in nei intuo hlak hi. Iengdinga in- diknawtaka thawna chu in tuor lem el naw am a na? Iengdinga suk- dâwngna chu in tuor el naw?

1 KORINTH 8:13

Chuleiin, fâk dingin ka unau a sukthlûk chun, ka unau ka sukthlûk nawna dingin kumkhuoin sa hrim hrim fa ta naw ning.

1 KORINTH 9:25

Chun, inruolsieknahai dâma chun a thaw ṭâl ṭâl taphawt chu iengkimah an insûm hlak a nih. Anni chun lallukhum sethei hmu dingin an thawh a,

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 THESSALONIKA 2:2

“Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekha- thawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

TITA 3:2

tûkhawm hrilsiet naw ding dâm, kâwmaw insuo naw ding dâm, mi po po kuomah thuhnuoirawlna tinrêng suklanga nuninnêm ding dâmin anni inhriet suotir nâwk rawh.

HEBRAIHAI 10:25

Ṭhenkhat thaw dân anga in- khâwm dâm bânsan loin, infui tuo lem ei tiu, ni chu hung hnai deu deua in hrietin infui tuo nâwkzuol sau ro.

HEBRAIHAI 10:37

“Sawt nawtê hnungah, A hung ding chu a hung ding a ni sih a. Sâwt riel ta naw nih.

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hriet- lâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

1 PETER 4:7

Nisienlakhawm, thil po po tâwpna chu a hnai tah a, chuleiin, in ṭawngṭai theina dingin lungril feltak putin fimkhur ro.

THUPUONGSUO 22:20

Hieng thu inhriettirtu hin, “Anih, ka hung vak ding a nih,” a tih. Amen, hung ta la, Lalpa Isu.

THUPUONGSUO 22:7

Chun, ngai ta, ka hung vak ding a nih,” a ta. Hi lekhabu hrillâwkna pawm taphawt chu an hamṭha.