PHILIPPI 3:7 - Pathien Lekhabu Inthieng (BSI)

⁷ Nisienlakhawm, ka ta dinga hlâwkna ding po po chu, chuong chu Krista leiin chânnaah ka ngai a nih:

PHILIPPI 3:7 ပူးပေါင်းရင်းမြစ်များ

INṬANNA 19:17

Chun, khawhnâwma an ṭhuoi suok hnung chun, “I hringna dingin tlân suok rawh: i hnungtieng ngha naw la, phaizâwla hrim hrim hin châwl bawk naw rawh; tlânga sawn tlân rawh, chuong naw chun, bohmang rawi i tih,” a tih a.

INṬANNA 19:26

A nuhmei ruok chu Lota hnunga inthawk chun a ngha kîr a, chikhâwn banah a lo inchang tah a.

JOB LEKHABU (THE BOOK OF JOB) 2:4

Setan chun LALPA chu a dawn a, “Vun aiah vun; anih, miin a thil nei po po chu a hringna dingin a pêk phal âwm hrim a nih.

THUVARHAI 13:8

Mihriem hringna intlanna chu a hausaknahai a nih, Mi pasie ruok chun inṭhina chu a ngai nawh.

THUVARHAI 23:23

Thutak chu inchaw la, zawr ta naw rawh, Anih, varna dâm, inchûktirna dâm le hrietthiemna dâm khawm chu.

THUHRILTU 3:6

Zawng hun le inhmang hun a um a, Vawng hun le peihâwn hun a um a;

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

MARKA 10:50

Chun, ama chun a puon a pei a, ân châwm tho a, Isu kuomah a feh a.

LUKA 14:26

“Tûkhawm ka kuoma hung chun a pa dâm, a nu dâm, a nuhmei dâm, a nauhai, a unauhai, a farnuhai, ama hringna chenin a theida naw chun, ka închûktir ni thei naw ni.

LUKA 14:33

Chuong ang bawkin, nangni lai hin tûkhawm a nei po po mâksan naw chu, ka închûktir ni thei naw nih.

LUKA 16:8

Chun, a pu chun, sum enkawltu fel naw chu a rem hriet leiin ân pâk tah a; var nauhai nêkin khawvêl nauhai hi an tulai dâna hin an var lem a nih.

THILTHAWHAI 27:38

Chun, an fâk khawp chun bu chu tuisuorietah an pei a, lawng an sukzâng deu a.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.