PHILIPPI 3:19 - Pathien Lekhabu Inthieng (BSI)

¹⁹ Chuonghai tâwpna chu bo- hmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

PHILIPPI 3:19 ပူးပေါင်းရင်းမြစ်များ

INPÂKNA HLABU 17:14

Aw LALPA, i kutin mihriem- haia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

INPÂKNA HLABU 52:1

Aw mi hrât, iengdinga thil suksuol i sawng am a na? Pathien zaidamna chu a um zing hlak a nih.

JEREMIA 44:17

Amiruokchu, kan baua thu suok po pohai, vâna lalnu kuoma rimin- hnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet tah a.

EZEKIEL 34:3

Thâu chu in fâk a, sahmulin in inthuom a; châwm thâuhai chu in that a; nisienlakhawm, berâmhai chu in châwm nawh a.

HOSEA 4:7

An pung dep leh ka chungah an suol tul tul a, An ropuina chu muolphonaah inchangtir ka tih,

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu LALPAIN hieng ang hin a tih:

MALAKI 1:12

Amiruokchu, in bawsiet a, chu- taka chun, ‘LALPA dawkân chu sukpawrche a ni tah a, chutaka a theirahai khawm chu; chun, a buhai ngei khawm chu hmusitum a ni tah,’ in ta.

MATTHAI 16:23

Ama ruok chu a nghah a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo loin mihriem thil i ngaituo lem a ni hi,” a ta.

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

LUKA 12:19

Chun, ka thlarau kuomah, Thlarau, kum tamtak sûnga dingin sum tamtak în khâwl hi; châwl la, fain dâwn rawh, tîng ka tih,’ a ta.

LUKA 16:19

“Chun, mi hausa tû amanih a um a, puon senduk le puon zai inhmitak a sil a, ni tin inhawitirtakin a um hlak a.

LUKA 18:4

Chun, ama chu sâwt rei chu a nuom nawh a; nisienlakhawm, nakie chun a lungrilin, ‘Pathien ṭi loin mihriem ngaisak naw lang khawm,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl nawh a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

1 KORINTH 5:2

Chun, chuong thil thawtu chu nangni laia inthawka hnawtdawk dinga lungngai nêk hmanin in uong lem sih a.

1 KORINTH 5:6

In uong san hi a ṭha nawh ie, chawl tlâwmtêin bei tlang chu a zawpsuo vawng hlak ti in hriet naw am a nih?

2 KORINTH 11:12

Nisienlakhawm, remchângna hmu nuomtuhaia inthawka rem- chângna chu ka sâttan theina dingin, ka thaw hlak hi thaw pei ka tih, an suongnaa chun keini um ang hin an hung um theina dingin.

2 KORINTH 11:15

Chuleiin, a rawngbâwltuhai khawm chu felna tirkoah insiem fâwm hai sien khawm a mak a ni nawh, chuonghai tâwpna chu an thil thaw ang pei nîng a tih.

GALATI 6:13

Sertanhai meu khawm chun Dân thu an zâwm chuong si nawh a; in tisaa chun suong ding an nei theina dingin ser intantir cheu an nuom el a nih.

PHILIPPI 2:21

An rêngin Isu Krista thil zawng loin, mâni thil an zawng hlak sih a.

KOLOSSA 3:2

chung tienga thil umhaia chun in lungril innghat tlat ro, hnuoia thil umhaia chun innghat loin.

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bo- hmangna chu;

2 THESSALONIKA 2:12

thutak awi loa, fel nawnaa lâwm lemtuhaiin thiemnaw an chang vawng theina dingin.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

2 TIMOTHE 3:4

vervêk dâm, thuhnung dâwn naw dâm, inngaihlu dâm, Pathien hma- ngai nêka mâni lâwmna chau hmangai lemtu dâm an ni ding a ni sih a.

JAKOB 4:16

Nisienlakhawm, in uongnahai hi in suong lem sih a; chuong ang suongna po po chu suol a nih.

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârloa bohmangna intlungtir an tih.

2 PETER 2:13

Thil suksuol manin thilsuol tuor an tih. Sûna ruoiṭhe buoi in- hawiti mi an nih. In kuoma ruoi an ṭhein, anni inhlêmna ruoi ṭhe an ni leiin, inthieng nawna kaihai le thil khawhlohai an na;

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

JUDA 1:10

Chuong mihai ruok chun thil an hriet naw taphawt an hrilsiet hlak a, chun, ngaituona neinaw sahai anga hrietna piengpui an neihai chu, chu kawng ngeia chun an insuksiet hlak.

JUDA 1:16

Chuonghai chu chiertu le sawi- sêltuhai an na, anni châkna ang peiin an um a, an bauhai khawmin uongna thu puomtakin a hril a, hlâwkna dit leiin mi an ngaina hlak a nih.

JUDA 1:4

Mi tuhai amanih inrûka lût an um sih a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa nei- sun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 18:7

“Ân sukropui le ân hawitirzie ang pei khan sawisain suklungngai thung ro; a lungril chun, ‘Lalnuin ka ṭhung a nih, hmeithai hrim ka ni nawh a, lungngaina hmu dêr naw ningah’, a ti sih a.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.

1 SAMUEL 2:29

Ieng leiin am ka umnaa inhlân dinga ka ruot ka kuoma inthâwina le ka puola thil inhlân chu in sirde a, keia nêka i nauhai i chawimawi lem a, nangni insukthâuna dinga ka mi Israelhai inthâwina a ṭha ṭha in hmang am a na?’ tiin.