PHILIPPI 2:16 - Pathien Lekhabu Inthieng (BSI)

¹⁶ Chuongchun, a thlâwna tlân ka ni nawh a, a thlâwna sininrim ka ni bawk naw leiin Krista nia chun suong ding nei thei ka tih.

PHILIPPI 2:16 ပူးပေါင်းရင်းမြစ်များ

INPÂKNA HLABU 40:9

Inkhâwmna ropuitaka chun felna chanchin ṭha ka khêkpui a, Aw LALPA, ngai ta, Ka bau hi inro naw ning ti i hriet deh.

INPÂKNA HLABU 71:17

Aw Pathien, ka naupangtea inthawk nangin i mîn chûktir a, Tu chen hin i thilmak thawhai chu kân hriettir hlak.

ISAI 49:4

Kei ruok chun, “Athlâwn elin sin ka thaw inrim a, iengkhawm ni loa le boruok elah ka tha ka sêng a, nisien- lakhawm, matheiloin ka chunga rorêlna ding chu LALPA kuomah a nih a um chu, mi thungna ding khawm chu ka Pathien kuomah a nih a um chu,” ka tih a.

MATTHAI 10:27

Inthima ka hril cheu hi varah hril ro, na bula in hriet hi in chunga chuongin tlânginsampui ro.

LUKA 12:8

“Chun, ka hril cheu hi, mihai hmaa a mi ṭan taphawt chu Pathien vântirkohai hmaah Mihriem Naupa hin ṭan vêng a tih.

JOHAN 6:63

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

JOHAN 6:68

Simon Peterin a kuomah, “Lal- pa, tu kuom am fêng kan ta? Nangin chatuona hringna thu i nei annâwm;

THILTHAWHAI 13:26

“Unauhai, Abraham thla nau- hai, nangni laia Pathien ṭi po pohai, eini kuoma hin hieng sandamna thu hi a mi hung inphur suok a ni hi.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 KORINTH 9:26

eini ruok chu lallukhum sethei- lo hmu dingin. Chuong angtak chun a san mumal hre lo loin ka tlân hlak.

2 KORINTH 1:14

Ei Lalpa Isu nia chun nangni kan isuonghai in ni ding a nih ti nangni mi ṭhenkhatin in mi awipêk ta ang khan.

GALATI 2:2

Chun, hriettirna leiin ka hang feh a, Jentailhai laia Chanchin Ṭha tlâng ka însampui hlak hi anni ka hang hril a; nisienlakhawm mi lien deuhai chu a tumin ka hril a, chuong naw chun a thlâwnin tlân hlau rawi ka tih; annawleh, tlân thlâwn tah ni rawi ka tih.

GALATI 4:11

In ta dingin tha ka sêng thlâwn el rawi am ti hi kân lau pêk cheu.

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

PHILIPPI 1:6

Nangnia thilṭha thaw phuttu khan Isu Krista ni chen chun a thaw famkim pei ding a nih; chu ngei chu ka ring tlat sih a.

1 THESSALONIKA 2:19

Kan beiseina amanih, kan hlimna amanih, kan lallukhum suong amani chu ieng am a na? A hung phaleh ei Lalpa Isu hmaa chun nangni ngei in ni ding a ni naw am a nih?

1 THESSALONIKA 3:5

Chuleichun, ka tuor zo ta naw phingleh, thlêmtu chun thlêm thlu hlau rawi a ti cheu a, kan sin inrimna chu thlâwn rawi a tih, tiin in ringzie ka lo hriet theina dingin mi ka hung tir a nih.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

1 PETER 1:23

Chi se theia inthawkin ni loin, Pathien thu hring zing le um zinga chun, chi se thei nawa inthawka pieng thar in ni sih a.

1 JOHAN 1:1

Hringna Thu a tîra inthawka um kha, kan nâin kan ihriet kha, kan mitin kan ihmu kha, kan en zinga kan kuta kan idap kha, chu chu chanchin chu;

THUPUONGSUO 22:17

Thlarau le mo chun, “Hung rawh,” an tih a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.