PHILIPPI 1:8 - Pathien Lekhabu Inthieng (BSI)

⁸ Krista Isu lainatna chun in rêngin ka ngaizie cheu chu, Pathien a mi hrepuitu a nih in sawnnaw.

PHILIPPI 1:8 ပူးပေါင်းရင်းမြစ်များ

JOB LEKHABU (THE BOOK OF JOB) 16:19

Ngai ta, tu khawm hin ka hrietpuina chu vânah a um a, Ka ta dinga hre zingtu chu chungtieng a um a nih.

ISAI 16:11

Chuleiin, ka rîhai chu Moab lunginsiet leiin ṭingṭang angin ân rih a, ka phîng sûng chu Kirheres lungin- siet leiin ṭingṭang angin ân ri bawk a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:9

A Naupa Chanchin Ṭha hrila ka thlaraua a rawng ka ibâwl Pathien chu a mi hrepuitu a nih; ka ṭawngṭainahaia chun maloin in hminghai ka lam rawp a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:1

Kristaa chun thu taktak ka hril a nih, khêl ka hril nawh, Thlarau Inthieng zâra chun,a ka sie le ṭha hrietna khawmin a mi hrietpui a,

2 KORINTH 13:9

Keini kan hrâtnaw lai khawma nangni in hrât hin kan lâwm hlak in sawnnaw; hi hi kan hni bawk hlak, nangni ṭhat famkimna ding hi.

2 KORINTH 6:12

keinîn kan lungril kan khârpêk cheu a ni nawh a, nangnîn in mi khârpêk lem a nih.

2 KORINTH 7:15

Chun, in rênga thu in awizie dâm, ṭi le inthin puma ama in lo lâwmzie dâm chu hre zingin a lungril chu nangni tieng nasatakin ân lâwp nâwk zuol a nih.

GALATI 1:20

(Ngai hman ta u, in kuoma thu ka ziekhai hi Pathien mithmua khawm kân khêl nawh).

GALATI 3:26

Isu Krista ring leiin Pathien nauhai in ni vawng sih a.

GALATI 4:19

Ka nauhai, Krista chu nangnia siem puitlinga a um hmakhat chu nauha invawiin kân vawi nâwk cheu hi.

PHILIPPI 2:1

Chuongchun, Kristaah lung- muongna hrim hrim dâm, hmangai thlamuongna hrim hrim dâm, Thlarau pâwlna hrim hrim dâm, lainatna le lunginsietna hrim hrim dâm a um chun,

PHILIPPI 2:26

Ama chun in rêngin a ngai bêk bêk cheu a, a nâ ti in lo hriet leiin nasatakin a lungngai bawk a,

PHILIPPI 4:1

Chuleiin, ka unau dittak le ka ngaitak, ka lâwmna le ka lallukhumhai, chuong ang chun Lalpaah ngîr det ro, ka dittakhai.

KOLOSSA 2:1

Nangni le Laodikeia umhai le, taksaa ka hmêl hmu naw phawthai ta dingin iengti raua nasain am ka thaw pêk ṭâl ṭâl zie cheu hi in hriet ka nuom sih a.

KOLOSSA 3:12

Chuongchun, Pathien mi thlang, mi inthieng le dittakhai angin inlai- natna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

1 THESSALONIKA 2:5

Ieng lai khawma inpâk tehlêmna thu amanih, duâm inkhumna ama- nih, kan hmang lai an hriet nawh ti in hriet kha (Pathien a mi hrietpuitu a nih.)

1 THESSALONIKA 2:8

Chuong ang bawkin, kan dit zâwng tak in hung ni ta lei khan, kan dit ngawi ngawi cheu a, Pathien Chanchin Ṭha chau ni loin kan hring- na rau khawm pêk cheu kan inhuom kha.

2 TIMOTHE 1:4

lâwma ka sip theina dingin, i mitthlihai chu hre zingin hmu che ka nuom bêk bêk a nih.

PHILEMON 1:12

Ama ngei, ka lungril ngei hi, i kuomah ka hung tir kîr nâwk a nih:

PHILEMON 1:20

Anih, unaupa, nanga leiin Lalpaa chun mîn lâwmtir la, Kristaa chun ka lungril sukhar rawh.

1 JOHAN 3:17

Nisienlakhawm, tûkhawm, khawvêl sum neiin, a unau tlasamin hmu sienla, ama chu lainat si naw sienla, Pathien hmangaina chu ama- ah iengtin am um a ti leh?