PHILIPPI 1:6 - Pathien Lekhabu Inthieng (BSI)

⁶ Nangnia thilṭha thaw phuttu khan Isu Krista ni chen chun a thaw famkim pei ding a nih; chu ngei chu ka ring tlat sih a.

PHILIPPI 1:6 ပူးပေါင်းရင်းမြစ်များ

INPÂKNA HLABU 138:8

LALPA chun ka chungchânga a thaw ding chu hlen a tih, Aw LALPA, i ngilneina chu kumkhawtluongin um a ta, Nangma kut thilthawhai hi bânsan naw rawh.

JOHAN 6:29

Isu chun an kuomah, “Pathien sin thaw chu hi hi a nih, a mi tir hi ring unla,” a ta, a dawn a.

THILTHAWHAI 11:18

Chuong thu chu an hrietin an to tah a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk tah a.

THILTHAWHAI 16:14

Chun, a hming Luda, puon senduk zawrtu, Thuotira khuoa mi, Pathien betu nuhmei pakhatin kan thu a hriet a; chun Paula thu hril zâwm dingin Lalpa chun a lungril a sukvar tah a.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

2 KORINTH 1:15

Chun, chu ringna chu neiin, lunginsietna lêt hni in hmu theina dingin in kuomah hung hmasa lang ka tih a,

2 KORINTH 2:3

Chuleichun, kha ngei kha ka ziek a nih; chuong naw chun ka hung pha ka lâwmna dinghai laia inthawkin lungngaina hmu rawi ka tih; ka lâwmna chu in rênga in lâwmna a ni ka ring pêk si cheu a.

2 KORINTH 7:16

Kawng tinrêngah in chunga ka muong leiin ka lâwm a nih.

2 KORINTH 9:4

chuong naw chun Makedonia rama mi tuhaiin amanih mi lo zui kherin, inbuotsai loa an hung hmu cheu chun, keini hi, (nangni kan ti nawh), kan ringna cheu kawnga hin muolpho rawi kan tih.

GALATI 5:10

Ngaituo danglam naw ti niu ti Lalpaa chun kei chun nangni tieng ka ring cheu a nih; nisienlakhawm, a sukbuoitu cheu chu, tûkhawm ni sien la, a chunga rorêlna chu la tuor a tih.

EPHESI 4:12

Krista taksa siem ṭha dinga, rawngbâwlna sin thawa, mi inthieng- hai sukfamkim dinga,

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

PHILIPPI 1:29

Krista leia ama in ring chau ni loin, ama leia in tuor khawm phal a ni sih a,

PHILIPPI 2:12

Chuongchun, ka idittakhai, thu in zâwm rawp ang khan, ka um lai chau ni loin, tûta ka um naw kâr hin nasa lem hmanin, ṭi le inthin pumin in sandamna thaw suok ro,

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni sih a.

PHILIPPI 2:16

Chuongchun, a thlâwna tlân ka ni nawh a, a thlâwna sininrim ka ni bawk naw leiin Krista nia chun suong ding nei thei ka tih.

KOLOSSA 2:12

Baptismaa chun a kuoma phûm in lo ni ve ta sih a, chu bawka chun mithi laia ama keithotu Pathien sinthaw awi leia a kuoma keitho in ni ve kha.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil loa hre zingin.

2 THESSALONIKA 1:11

Chuong anga chawimawi le makti a ni theina dingin, ei Pathienin a kona cheua chun ko tlâk nia a ruot theina ding cheu le, ṭhat nuomna tinrênga le ringna sinthaw tinrênga thilthawtheinaa ân hlawtlingtir theina ding cheuin kan ṭawngṭaipêk rawp cheu a ni hi.

2 THESSALONIKA 3:4

Thu kan pêk taphawt cheu kha in zâwm hlak a, in la hung zâwm nâwk pei khawm Lalpaa chun kan ring cheu a nih.

PHILEMON 1:21

Ka hril nêka nasa lem hmanin thâwng i tih ti ka hriet leiin, i awi ringin i kuomah ka ziek a nih.

HEBRAIHAI 10:35

Chuongchun, in ringna lâwm- man pêk nasatak nei ding chu peihâwn naw ro,

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.