PHILIPPI 1:21 - Pathien Lekhabu Inthieng (BSI)

²¹ Ka ta ding chun hring hi Krista a ni sih a, thi khawm hlâwkna a nih.

PHILIPPI 1:21 ပူးပေါင်းရင်းမြစ်များ

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 3:22

Iengkim hi in ta vawng a ni sih a: Paula amanih, Appolo amanih, Ki- pha amanih, khawvêl amanih, hring- na amanih, thina amanih, thil um tasahai amanih, a hung um dinghai le chun a rêngin in ta vawng a nih.

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet sih a.

2 KORINTH 5:6

Chuongchun, taksaa ei um sûngin, Lalpa kuomah ei um nawh ti hrein kumkhuoin muongtakin ei um hlak;

2 KORINTH 5:8

muongtakin ei um ka ti a nih, taksaa um loa Lalpa kuoma um ei nuom lem.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta nawh a, Krista chu keimaah a hring lem a nih; chun, tuta tisaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

GALATI 6:14

Kei ruok chun ei Lalpa Isu Krista kraws naw chu ka suong naw ding zie chu, chu zâra chun khawvêl hi ka ta dinga hemdein a um tah, kei khawm khawvêl ta dinga hemdein ka um a nih.

PHILIPPI 1:20

Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

PHILIPPI 1:22

Nisienlakhawm, tisaa hring hi ka chan ni sienla, chu chu ka sinthaw ra ni ta ang sien, chuongchun, a ieng am ka thlang lem ding chu ka hriet nawh.

PHILIPPI 1:23

Chamlakin a ngaina hre loin ka um el a nih, fe suoka Krista kuoma um inhâwkna ka nei leiin, chu chu a ṭha lem bêk bêk sih a.

PHILIPPI 2:21

An rêngin Isu Krista thil zawng loin, mâni thil an zawng hlak sih a.

KOLOSSA 3:4

Krista in hringna chu a hung inlâr pha chun nangni khawm ama kuomah ropuiin inlâr vêng in tih.

THUPUONGSUO 14:13

Chun, vâna inthawkin rawlin, “Hienghin ziek rawh: Tuta hnung chu mithi, Lalpaa thihai chu, an hamṭha. Thlarau chun, ‘Anih, an sinin- rimnahai chu châwl san tâng an tih; an thilthawhai chun a hung zui ve ding a ni sih a,’ a tih,” a ti ka hriet a.