PHILIPPI 1:18 - Pathien Lekhabu Inthieng (BSI)

¹⁸ Iengtizie am a na? Ieng dang khawm a ni nawh a, kawng tin- rêngah, atehlêmin amanih, atakin amanih, Krista thu hrilin a um hrim hrim a nih, chuonga chun ka lâwm a, anih, la lâwm pei ka tih.

PHILIPPI 1:18 ပူးပေါင်းရင်းမြစ်များ

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

MARKA 12:40

Hmeithai sum an fâk a, vân- tlâng hlêmna dingin sâwt tak tak an ṭawngṭai hlak a, chuonghai chun thiemnaw chang nasa zuol an tih,” a ta.

LUKA 9:45

Nisienlakhawm, a thu hril chu a ngaina an hriet nawh a, an hriet thei nawna dingin ân thup a nih, chu thu hril chanchin chu ama hlak an indawn ngam si nawh a.

LUKA 9:50

Isu ruok chun a kuomah, “Khap ta naw ro, tûkhawm nangni sêlkal naw chu in tienga ṭhang a ni sih a,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:9

Annawleh, eini Judahai hi anni nêkin ei ṭha chuong bîk am a nih? Teu lo e! Judahai le Grikhai chu angkhat rawnga suolna suoka um vawng ei nih ti hi hma khawmin ei hril ta kha;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:15

Iengtin am nîng a ta? Dân rorêla um ei ni nawh a, lunginsietna rorêla um ei ni lem lei hin ei suol ding am a nih? Teu lo e a!

1 KORINTH 10:19

Ieng am a na ka hril? Milim hmaa thil inhlân chu hlutna nei thil am a nih? Milim khawm chu thil tlâktlai am a ni?

1 KORINTH 14:15

Iengtin am ni tâng a ti leh? Thlarauin, ṭawngṭai ka ta, hrietthei- na khawmin ṭawngṭai bawk ka tih; thlarauin hla sak ka ta, hriettheina khawmin sak bawk ka tih.

1 KORINTH 15:11

Iengkhawm ni sienla, kei khawmin, anni khawmin khâng ang khan kan hril hlak a, nangniin khâng khan in awi bawk a.

PHILIPPI 1:19

Chu chu in mi ṭawngṭaipêkna lei le Isu Krista Thlarau a mi pêk leiin ka sandamna hung ning a tih ti ka hriet sih a.