PHILEMON 1:16 - Pathien Lekhabu Inthieng (BSI)

¹⁶ ama chu suok ang ni loa, suok nêka ṭha, unau dittak ang lemin ka ta dingin dittak a ni bîk a, nanga ta ding lem chun tisaa le Lalpaa chun a va ni nâwk zuol âwm de!

PHILEMON 1:16 ပူးပေါင်းရင်းမြစ်များ

MATTHAI 23:8

“Nangni ruok chu, ‘Rabbi’, tia koin um naw ro; in inchûktirtu chu pakhat chau a nih; nangni po po chu unau in ni sih a.

THILTHAWHAI 9:17

Chun, Anania chu a va feh a, ina chun a lût a; a chungah kut ân nghat a, “Unau Saula, i mit varna ding le Thlarau Inthieng sipa i um theina dingin, Lalpa, i hungna lampuia i kuoma inlâr Isu khan a mi hung tir a nih,” a ta.

1 KORINTH 7:22

Suoka um Lalpaa ko chu Lalpa insuoktir suok a ni sih a, chuong ang bawk chun suok ni loa koa um chu Krista suok a nih.

KOLOSSA 3:22

Suokhai, tisaa in hotuhai thu hi iengkimah zâwm ro; mihriem suk- lâwmtuhai ang ela mit rawng bâwl loin, lungril hmunkhat puta Lalpa ṭi dêk pumin zâwm lem ro.

1 TIMOTHE 6:2

Chun, ringtu pu neihai chun, unau an ni leiin ngainêp naw raw hai se; amiruokchu, ṭhathnemna hmutu- hai chu ringtu le dittakhai an ni leiin an rawng bâwlpêk zuol lem raw hai se. Hieng thu hi inchûktir la, infui rawh.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.