OBADIA 1:1 - Pathien Lekhabu Inthieng (BSI)

¹ Obadia inlârna hmu chu. Lalpa PATHIEN chun Edom chungchângah hieng ang hin a tih: LALPA kuoma inthawkin thu kan hriet a, hnamhai laia chun palai tir a nih: “Tho unla, indonaa ama do dingin inthawk ei tiu,” tiin.

OBADIA 1:1 ပူးပေါင်းရင်းမြစ်များ

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

ISAI 30:4

A mi lienhai chu Zoan khuoah an um a, a palaihai chun Hanes khuo an tlung ta sih a.

ISAI 21:11

Duma phurrik chu. Miin Seir tlânga inthawkin an mi ko a, “Râl- vêngtu, zân hi iengtin am a ni tah a? Râlvêngtu, zân hi iengtin am a ni tah a?” tiin.

INPÂKNA HLABU 137:7

Aw LALPA, Jerusalem ni chu Edom thlahai chungah a se tiengin hre zing rawh: “A lungphûm chen khawmin, Sukchim ro, sukchim ro,” tituhai kha.

MARKA 13:7

Chun, indo thu le indo thuthang dâm in hriet pha leh lunginzing naw ro; chuongchu hung tlung ding hrim a nih; nisienlakhawm, tâwpna chu la ni hri naw ni.

MATTHAI 24:6

Chun, indo thu le indo thuthang la hrieng in ta; in lunginzîng nawna dingin fîmkhur ro; chuong chu a hung tlung ding hrim a nih; nisien- lakhawm, tâwpna chu la ni hri naw nih.

MIKA 2:13

Nêr thlengtu chu an hmaa chun fêng a ta, nêr thleng an ta, kawtkhâr chenin fe pei an ta, chutaka chun fe suok an tih: chun, an lal chu an hmaa chun fêng a ta, LALPA chun an hma ṭhuoi a tih.

JEREMIA 51:46

In lungrilhai chu thidang naw sienla, chu rama thuthang hriet ding lei khawm chun ṭi bawk naw ro; kum khat chu thuthang chu hung a ta, chu hnunga chun kum dangah thuthang bawk chu hung a tih, thawluina le, rorêltu le rorêltu inkalna dâm.

JEREMIA 25:21

Edom, Moab le Ammon thlahai leh;

JEREMIA 25:17

Chun, LALPA kuta no chu ka lâk a, LALPAIN a mi tirna hnamhai po po kân dâwntir a;

ISAI 21:12

Râlvêngtu chun, “Zîngkâr a hung ni ding a ni tah, zân khawm: in indawn nuom chun indawn ro: nghakîr nâwk unla, hung ro,” a ta.

INṬANNA 25:30

Esau chun Jakob kuomah, “Lunginsiettakin i iengkhat sen suong hruoi kha, kha ngei kha mîn fâktir raw khai, ka ṭâm êm el,” a ta (chuleiin, a hming chu Edom an ti a nih).

INṬANNA 36:8

Chuongchun, Esau chu Seir tlânga chun a um tah a; Esau chu Edom a nih.

INṬANNA 36:9

Hieng hi Seir tlânga Edom mihai thlatu Esau thlahai chu an nih.

EZEKIEL 35:1

Chu nawa khawm chun LALPA thu chu ka kuomah a hung tlung a: