NEHEMIA 9:1 - Pathien Lekhabu Inthieng (BSI)

¹ Chuongchun, chu thla ni sâwm- hni pali ni chun Israel thlahai chu bu ngheia, saiip puon sila an lua pilvut kai nungin an fe khâwm tâwl a.

NEHEMIA 9:1 ပူးပေါင်းရင်းမြစ်များ

2 SAMUEL 1:2

a ni thum ni chun, ngai ta, mi pakhat an ṭhanghmuna inthawk Saula kuoma mi chu a puonhai tlêr nengnungin le a lua pilvut kai nung hin a hung a; chun, David kuomah a hung tlung chun hnuoia bawkkhupin chibai a bûk a.

2 CHANCHIN SUINA 20:3

Chuongchun, Jehosaphat chu a ṭi tah a; LALPA chu a zawng a, Juda ram po poa bunghei a rawt tah a.

2 CHANCHIN SUINA 7:10

Chuongchun, thla sarinaa ni sâwmhni pathum ni chun mipuihai chu an puon in tienghai chun, a mi Israelhai chunga le Solomon chunga le David chunga LALPAIN ṭhatna a lo inentirna lei chun lungrila lâwmtak le thafântak chun a tir kîr tah a.

EZRA 8:21

Chun, kan thuomhnawhai po po le kan nau-le-têhai le keini ta dinga lampui tluong mi zawngpêk dinga, kan Pathien hmaa chun kan insuk- hnuoi theina dingin, Ahava vadunga chun bunghei ka rawt tah a.

EZRA 8:23

Chuongchun, bu chu kan nghei a, hi hi ding hin kan Pathien chu kan ngên a: chuongchun, keini ngên- thlûkin ama chu a um tah a.

NEHEMIA 8:2

Chuongchun, thla sarina, ni khat niin thiempu Ezra chun pung- khâwmhai nutling, patling le a hrethiem thei chin po po hmaa chun Dân chu a hung chawi a.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

ESTHER 4:3

Chun, rambung tin elah, lal thupêk le a thu sukthlûk a tlungna taphawta chun, Judahai laia chun lungngaina nasatak el le bungheina dâm le, ṭapna le inrûmna dâm chu a um tah a; tamtak lem chu saiip puon silin pilvut chungah an zâl a.

JOB LEKHABU (THE BOOK OF JOB) 2:12

Chuongchun, râl hlataka in- thawka an mithai an hei inlên chun, ama chu an hriet nawh a, an khêk rak rak a, an ṭap tâwl tah a; an puonhai chu an keithlêr tâwl a, pilvut vân- vawrin an luhai an inthêkhum a.

ISAI 22:12

Chu nia chun LALPA, sipaihai LALPA chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

JOEL 2:12

LALPA chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

LEVI DÂN 23:34

“Israel thlahai chu hril la, an kuomah, ‘Thla sarina ni sâwmpanga ni le ni sari sûng chu LALPA ta dingin bâwkte ruoiṭhena a nih.

LEVI DÂN 23:39

Thla sarina ni sâwmpanga nia, in lo ra suok in lâk khawm huna chun, LALPA ruoiṭhe chu ni sari inawtir in ta; a ni khat ni chu châwl ṭawk ṭawk ni nîng a ta, a ni riet ni khawm chu châwl ṭawk ṭawk ni ni bawk a tih.

JOSUA 7:6

Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.

RORELTUHAI 20:26

Chuongchun, Israel thlahai po po le mipuihai po po chu an hang feh a, Bethela chun an hang feh a; an ṭap a. LALPA hmaah an ṭhung a; chu ni chun zântieng chenin bu an nghei a; LALPA kuomah pumrawhmang thilinhlân le inremna thilinhlânhai an inhlân a.

1 SAMUEL 4:12

Sipai laia Benjamin thla, mi pakhat a tlân a, a puonhai tlêr nung le a lua pilvut kai rakin chu ni ngei chun, Silo chu a va tlung a.

1 SAMUEL 7:6

Chuongchun, Mizpaa chun an fe khâwm tah a; chun, tui an chawi a, LALPA hmaa chun an bunthlâk a, chu ni chun bu an nghei a, chutaka chun, “LALPA chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêl- pêk a.