NEHEMIA 8:9 - Pathien Lekhabu Inthieng (BSI)

⁹ Chun, ram awptu Nehemia le thiempu le lekhaziektu ni fâwm Ezra le mipuihai inchûktirtu Levi mihai chun mipui po po kuoma chun, “Vawisûn ni hi LALPA in Pathien ta dinga ni inthieng a nih; lungriemin thlâk naw sienla cheu, ṭap khawm ṭap bawk naw ro,” an tih a. Dân thu chu an hrietin mipui po po chu an ṭap an ṭap el sih a.

NEHEMIA 8:9 ပူးပေါင်းရင်းမြစ်များ

2 LALHAI 22:11

Chun, lal chun dân lekhabu thuhai chu a hang hriet chun a puon- hai a keithlêr tah a.

2 LALHAI 22:19

hi hmun le a sûnga chênghai hi sukrêm le ṭawngsephurin la um an tih ti thu ka hril kha i lo hriet a, i lungril dâm a hung innêm a, LALPA hmaa inngaitlâwm a, i puonhai i keithlêr a, ka hmaa i ṭap leiin kei khawma i thu chu ka lo hriet a, LALPAIN a tih.

2 CHANCHIN SUINA 15:3

Chuongchun, hun sâwttak el chu Israel ram chu Pathien indiktak bo, inchûktirtu thiempu le dân boin an lo um tah a;

2 CHANCHIN SUINA 30:22

LALPA rawngbâwlna sina thiemtaka thaw Levi mihai kuoma chun Hezekia chun thlamuonna thu a hril a. Chuongchun, ni sari sûng chu inremna thilinhlânhai chu inhlânin le, LALPA an thlatuhai Pathien kuoma chun thupha chawina siemin, ruoiṭhe sûng po po chun an fâk a.

2 CHANCHIN SUINA 34:19

Chun, lal chun dân thuhai chu a hriet chun a puonhai a keithlêr a.

2 CHANCHIN SUINA 34:21

“Fe unla, kei le, Juda le Israel rama mâksana la umhai ta ding hin lekhabu hmu suoka um thu ang khan LALPA mi hung râwnpêk ta u; lekha- bua ziek po po, ang taka thaw dinga, ei thlatuhai chun LALPA thu chu an lo pawm ta naw lei khan, LALPA lunginsenna ei chunga bunthlâka um hi a nasa a nih,” tiin.

2 CHANCHIN SUINA 35:3

LALPA ta dinga inthieng Israel po po inchûktir hlak Levi mihai kuom a chun, “Israel lal David naupa Solomonin in a bâwla khan Thu- thlungna bâwm inthieng chu sie ro; in liengkoahai zâwn ngâi ta naw nih a; tuhin in Pathien LALPA le a mi Israelhai rawng chu bâwl ro.

EZRA 2:63

Ram awptu khawma an kuoma chun, thiempu chu Urim le Thum- mim leh a ngîr dawk hmakhat chun thil inthiengtakhai chu an fâk ding a ni nawh a lo ti ta hrim a nih.

EZRA 7:11

Hi hi LALPA thupêk le Israelhai kuoma a thuruot thuhai ziektu, thiempu le lekhaziektu Ezra kuoma lal Artazerziain lekha a pêk ziek- sâwng chu a nih,

NEHEMIA 10:1

Chuongchun, a mi namdet- puituhai chu Hakalia naupa, ram awptu Nehemia le Zedekia,

NEHEMIA 12:26

Hienghai hi Jesua, Jozadak naupa Joiakim dam laia mi le ram awptu Nehemia le Ezra, thiempu le lakhaziektu dam laia mi an nih.

NEHEMIA 7:65

Chun, ram awptu chun anni chu Urim le Thummim inbela thiempu a ngîr hmakhat chun thil serhai chu an fâk ding a ni nawh ti a hril a.

NEHEMIA 7:70

Chun, sûngkuo luhai ṭhenkhat- hai chun chu sina ding chun an pêk a. Ram awptu chun thawlâwmah râng- kachak darik sâng khat, maihûn sâwmnga, thiempu silfên za nga le sâwmthum a thawh a.

NEHEMIA 8:2

Chuongchun, thla sarina, ni khat niin thiempu Ezra chun pung- khâwmhai nutling, patling le a hrethiem thei chin po po hmaa chun Dân chu a hung chawi a.

THUHRILTU 3:4

Ṭap hun le innui hun a um a, Sûnna hun le lâm hun a um a;

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

LEVI DÂN 23:24

“Israel thlahai chu hril la, an kuomah, ‘Thla sarina, chu thla ni khat ni chu in ta dingin ursûntaka insera châwlna, tawtawrâwt mûta hriet zingna, inkhâwmpui inthieng nîng a tih.

MALAKI 2:13

Chun, hi khawm hi in thaw nâwk bawk a, LALPA mâichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:20

Chuongchun, mi tukhawm Dâna thilthaw leiin a mithmuah thiem changin um naw ni hai; Dân leiin suol hriet famkimna a hung um a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:9

Chun, kha hma khan kei dân nei loin ka hring a; nisienlakhawm, thupêk chu a hung um phingleh suolna chu a hung har a, kei chu ka thi tah a.

DÂN PAHNINA 12:12

LALPA in Pathien hmaa chun hlimtakin um in ta, nangni le in naupasalhai le, in naunuhmeihai leh, in suokpahai leh, in suoknuhai leh in ina um Levi mihai leh, anni chun nangni lai chanvo le ram nei ve nghâl lohai.

DÂN PAHNINA 12:7

Chutaka chu, LALPA in Pathien hmaa chun fâng in ta, in kut rasuok LALPAIN mal a sâwmna cheua chun hlimtakin in um ding a nih, in sungkuoin.

DÂN PAHNINA 16:11

LALPA in Pathienin a hming umna dinga a la ruot dinga chun nangni leh in naupasalhai leh, in naunuhmeihai leh, in suokpahai, in suoknuhai leh in umnaa um Levi mihai, nangni laia um ram dang mihai, pa nei lo hai dâm, hmeithaihai dâm leh LALPA in Pathien hmaah hlimtakin in um ding a nih.

DÂN PAHNINA 26:14

Kan lusûn laiin chutaka mi chu kan fâk nawh a, kan pawrche laiin kan sukthâm bawk nawh a, mithi puolah kan pêk bawk nawh; LALPA kan Pathien rawl chu kan ngai zing a, i thu mi pêk ang po po chun kan thaw a nih.

JAKOB 4:9

Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.