NEHEMIA 10:39 - Pathien Lekhabu Inthieng (BSI)

³⁹ Israel thlahai le Levi thlahai chun bu le uoin le hriek a thêna thêna thilinhlân hmun inthieng bûr-le-bêl le rawngbâwltu thiempuhai, kawt- khâr vêngtuhai dâm, hlasaktuhai umna pindana chun an sie ding a nih; chuong ang chun a nih, kan Pathien in chu thlathlam lo dinga dân kan insiempêk chu.

NEHEMIA 10:39 ပူးပေါင်းရင်းမြစ်များ

2 LALHAI 7:10

Chuongchun, khaw kawtkhâr vêngtu chu an va ko a, “Suria mihai riekhmunah kan va feh a; chun, ngai ta, tukhawm an lo um nawh a, mihriem riva hrim hrim khawm a um nawh a, sakawrhai le sabengtunghai chau a lo inthlung a, puon inhai khawm chu a um ngai ngaiin a um zing el,” tiin an hril a.

2 CHANCHIN SUINA 31:11

Chun, Hezekia chun LALPA ina chun, pindanhai buotsai dingin thu a pêk tah a; chun, an buotsai tah a.

2 CHANCHIN SUINA 31:12

Chun, thilpêkhai, sâwma pa- khat pêkhai, thilinhlânhai chu ringumtakin an hung lâk a; chu chunga chun Levi mi Konania chu a rorêltu a nih; a unaupa Simei chu a dawttu a na.

NEHEMIA 12:47

Zerubbabel dam lai le, Nehemia dam lai chun Israel po poin hlasak- tuhai le kawtkhâr vêngtuhai chu ni tina an tlâk tâwk ding chanvo an siempêk hlak a; chun, Levi mihai chu chanvo a suktumpêk bawk a; chun, anni Levi mihai chun Aron naupasal- hai chanvo chu an suktumpêk hlak a.

INPÂKNA HLABU 122:9

LALPA ei Pathien in lei chun, I ṭhatna ding zawng ka tih.

NAMBAR 18:26

“Chuong thua naw khawm chun Levi mihai chu hril la, an kuomah, ‘In rochan dinga Israel thlahai sâwma pakhat ka pêk cheu, annia inthawka in dawng pha chun, chu sâwma pakhata sâwma pakhat chu LALPA kuoma a thêna thên thilinhlân dingin in inhlân ding a nih.

NAMBAR 18:30

Chuleiin, an kuomah, Chutaka a ṭha tak in thên pha chun Levi mihai hrizâwla hung le uoin hung tlung anga ngai nîng a tih.

DÂN PAHNINA 12:17

In ina chun sâwma pakhat, in bu dâm, in uoin dâm, in hriek dâm le in ran ruol le berâm ruol laia pieng hmasa takhai, in thutiema mi dâm, in nuomthua thilinhlânhai dâm, in thên thilinhlânhai chu fa thei naw ti niu a.

HEBRAIHAI 10:25

Ṭhenkhat thaw dân anga in- khâwm dâm bânsan loin, infui tuo lem ei tiu, ni chu hung hnai deu deua in hrietin infui tuo nâwkzuol sau ro.