NEHEMIA 10:31 - Pathien Lekhabu Inthieng (BSI)

³¹ chu rama mihaiin châwlniha thil zawr ding thuomhnaw amanih, fâk ding hrim hrim zawr amanih an hung lâk a, châwlnia manih, umni inser nia maniha inchawpêk lo a; kum sarinaa ram sielui a, leiba po po ṭhin lo dingin.

NEHEMIA 10:31 ပူးပေါင်းရင်းမြစ်များ

2 CHANCHIN SUINA 36:21

chu ram chun a châwlni a hmang hmakhat chu Jeremia baua LALPA thu kha sukfamkim a ni theina dingin; râusana a um sûng po chu châwlni chu a hmang a na, kum sâwmsari suktling dingin.

NEHEMIA 13:23

Chuong lai chun Juda mi, Asdod nuhmei dâm, Ammon nuhmei dâm, Moab nuhmei dâm nuhmeia neihai chu ka hmuh a;

NEHEMIA 13:27

Chuongchun, ram dang nu- hmeihai neia ei Pathien chunga hin thil ṭha nawtak el hi thaw dingin in thu ei zâwm ding am a nih?” ka tih a.

FESUOKNA 12:16

Ni khat ni chun in ta dingin inkhâwmpui inthieng um a ta, ni sari ni khawmin inkhâwmpui inthieng um bawk a tih; chuong nihaia chun sin iengkhawm in thaw ding a ni nawh, mi tinin fâk rawngbâwl ruok chu thaw thei in tih.

FESUOKNA 20:10

Ni sari ni ruok chu LALPA i Pathien kuoma châwlni a nih; chu ni chun ieng sin khawm i thaw ding a ni nawh a, nang khawmin, i naupa khawmin, i naunu khawmin, i siehlaw- pa khawmin, i siehlawnu khawmin, i ran ruol khawmin, i kawtkhâr sûnga khuolzintu khawmin a thaw ding a ni bawk nawh:

FESUOKNA 34:16

An naunuhmeihai chu i naupa- salhai inneitir i ta, an naunuhmeihai chun an pathienhai hnawta an inzawr phain, i naupasalhai chu an pathienhai leh inuiretir rawi an tih.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sût- pêk le, rîngkawl hruihai sûtpêk le, nêksâwra umhai insuoktir le, rîng- kawl tinrêng suktliekpêk hi.

LEVI DÂN 16:29

“Chun, hi hi in kumkhaw dân ding nîng a tih; thla sarina, chu thla ni sâwm ni chun insukrinum in ta, sin hrim hrim in thaw ding a ni nawh, a ram mi khawmin, nangni laia um ram dang mi khawmin.

LEVI DÂN 23:21

Chu ni chun thu puong in ta; inkhâwmpui inthieng nei in ta; sin hrim in thaw ding a ni nawh a; hi hi in chêngna taphawtah in thlahai chena dingin kumkhaw dân nîng a tih.

LEVI DÂN 23:3

Ni ruk sûng sin thaw ding a na, ni sari ni ruok chu ursûntaka inser châwlna, inkhâwmpui inthieng a nih; ieng sin khawm in thaw ding a ni nawh a, in chêngna taphawta chun LALPA ta dinga châwlni a nih.

MATTHAI 6:12

Kan bathai hi mi ngaidamla, Keini khawmin kan iengkhat battuhai kan ngaidam ang khan.

KOLOSSA 2:16

Chuongchun, fâk thua manih, dâwn thua manih, ruoiṭhe ni thua manih, thla thar thua manih, châwlni thua manih tûkhawmin sawisêl naw raw hai se cheu;

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.