NAMBAR 9:22 - Pathien Lekhabu Inthieng (BSI)

²² Biekbûk chungah sûm chu ni hni amanih, thla khat amanih, kum khat amani khawm a um chun, chutaka a um zing chun Israel thla- hai chun umhmun an khuor zing a, an fe ngai nawh a; ân vawr sâng ruok chun an fe hlak.

NAMBAR 9:22 ပူးပေါင်းရင်းမြစ်များ

INPÂKNA HLABU 107:7

Mihriem umna khuoa an fe theina dingin, Lampui tlûntakah a ṭhuoi tah a.

INPÂKNA HLABU 143:10

I dit zâwng thaw mîn chûktir la, ka Pathien i ni sih a, I thlarau chu a ṭha a nih, ram indiktaka chun mi ṭhuoi rawh.

INPÂKNA HLABU 32:8

I fena ding lampui chu inchûk- tirin, kâwkhmûng ka ti cheh a, Ka mita en zing pum chein rem ruotpêk ka ti che.

INPÂKNA HLABU 48:14

Hi Pathien hi kumkhawtluonga ei Pathien a ni ding a ni sih a, Thi chen khawma a mi ṭhuoitu ning a tih.

INPÂKNA HLABU 73:24

Nangin i remruotnain mi ṭhuoi i ta, Chu hnunga chun ropuinaa khin mi lâwm i tih.

INPÂKNA HLABU 77:20

Mosie le Aron kutin, I mihai chu berâm ruol angin i ṭhuoi hlak.

FESUOKNA 39:42

LALPAIN Mosie thu a pêk po po ang tak chun Israel thlahai chun sin po po chu an thaw tah a.

FESUOKNA 40:16

LALPAIN thu a pêk po po angin Mosie chun a thawh a; chuong ang tak chun a thaw a nih.

NAMBAR 1:54

Chuong ang chun Israel thlahai chun an thawh a; LALPAIN Mosie thu a pêk ang po po chun an thaw tah a.

NAMBAR 8:20

Chuong ang chun Mosie hai, Aron hai, Israel thlahai pung- khâwmhai po po chun Levi mihai chunga chun an thawh a; Levi mihai chungchâng thua LALPAIN Mosie thu a pêk ang po po chun an chungah Israel thlahai chun an thawh a.

NAMBAR 9:17

Sûmin puon in chu ân kiengsan po leh, Israel thlahai chun fe zai an rêl hlak a; chun, sûm a ngirna hmuna phawt chun Israel thlahai chun umhmun an khuor hlak.

NAMBAR 9:21

A châng chun sûm chu zân- tienga inthawkin zîngtieng chen a um a; chun, zîngkâra sûm chu ân vawr sâng chun an fe hlak a; ni khat chau amanih, zân khat chau amanih uma sûm chu ân vawr sâng chun an fe el hlak a.

THILTHAWHAI 1:4

Chun, an umkhâwm dâm a pâwl veh a, “Jerusalem fe san naw ro, Pathien thiltiem ka hril in hriet kha lo nghâk ro,” a ti tlat a.