NAMBAR 8:7 - Pathien Lekhabu Inthieng (BSI)

⁷ Anni chu sukthieng dingin hieng ang hin i thaw ding a nih; an chungah intlêng faina tui infar la, an taksa po po chu invâwtir la; an puonhai insâwptir la, insukthiengtir rawh.

NAMBAR 8:7 ပူးပေါင်းရင်းမြစ်များ

INṬANNA 35:2

Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

INPÂKNA HLABU 51:7

Husopin mi sukfai la, chuong- chun, fai ka tih; Mi sâwpfai la, chuongchun, vûr nêkin vâr ka tih.

FESUOKNA 19:10

LALPA chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

ISAI 52:15

hnam tamtakin maktîng an tih; lalhaiin a kuoma chun an bau lân chîp an ta, an kuoma hril ngai lo chu la hmûng an ta, naa an hriet ngai naw chu an ngaithiem ding a nih.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

EZEKIEL 36:25

Tui inthieng chu thinkhum ka ti cheu a, inthieng tâng in tih; in in- thiengnawna po poa inthawk le in milimhai po poa inthawkin sukthieng ka ti cheu.

LEVI DÂN 15:27

Tukhawm chuong thil tâwk taphawt chu inthieng naw nîng a ta, a puonhai sâwp a ta, ân sil ding a nih; zântieng chenin inthieng naw nîng a tih.

LEVI DÂN 15:6

Chu thilpût neitu inṭhungnaa ṭhung taphawt khawm chun a puon- hai sâwp a ta, insil bawk a ta, zântieng chen chun inthieng naw nîng a tih.

LEVI DÂN 16:28

A rawtu chun a puonhai sâwp a ta, insil a ta, chu zo chun riebûk tieng hung thei a tih.

LEVI DÂN 8:6

Mosie chun Aron le a naupasal- hai chu a hung ṭhuoi a, ân siltir a.

NAMBAR 19:13

Tukhawma tu ruong khawm a thema ân thien naw chun LALPA biekbûk a sukpawrche a nih; ama chu Israel mihaia inthawka sât thlâk ding a nih; inthienna tui chu a chunga the lo a ni leiin thieng naw a nih, ân thieng nawna chu a chungah a la um a nih.

NAMBAR 31:20

Chun, thuomhnaw hrim hrim le savuna thil siem hrim hrim dâm, kêl hmula thil siem po po dâm, thinga siemhai po po chungthua chu inthien ding a nih,” a ta.

NAMBAR 8:21

Chuongchun, Levi mihai chu suola inthawk chun an insukthieng a, an puonhai an sâwp a; chun, Aron chun LALPA hmaa a thêna thên thilinhlân dingin ân hlân a; chun, anni chu sukthiengna ding Aronin inremna a siempêk a.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, tisa tieng dânhai chau siem ṭhat hun hmaa dinga ruot chu a nih.

HEBRAIHAI 9:13

Kêl le bâwngchalhai thisen le, bâwngla vâm mi inthieng naw chunga the hmanin tisa inthieng khawpa a sukthieng si chun,

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni loin, sie le ṭha hrietna inthienga Pathien lamna hi a ni lem).

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hieng hi rinum nasataka inthawka suokhai kha an nih, an puonhai Berâmte thisena sâwpin an sukvâr tah a.