NAMBAR 8:19 - Pathien Lekhabu Inthieng (BSI)

¹⁹ Chuongchun, Israel thlahai aia intuokna puon ina rawngbâwl ding le, Israel thlahaiin hmun inthieng an hung hnai khawma Israel thlahai laia hri ân lêng nawna dinga inremna siem dingin Israel thlahai laia inthawkin Levi mihai hi Aron le a naupasalhai ka pêk a nih,” tiin.

NAMBAR 8:19 ပူးပေါင်းရင်းမြစ်များ

NAMBAR 1:53

Levi mihai ruok chun Israel thlahai pung khâwmhai chunga lunginsenna a um nawna dingin inhriettirna biekbûk vêla chun an zar ding a nih. Levi mihai chun inhriettirna biekbûk chu an enkawl ding a nih,” tiin a lo hril ta sih a.

NAMBAR 16:46

Mosie chun Aron kuomah, “I mei lâkna chawi la, mâichâma inthawkin mei sie la, riminhnik phul la, mipui- hai lai chun fepui vat la, an ta dingin inremna siem rawh. LALPA kuoma inthawkin lunginsenna a hung suok a nih, hri ân lêng ṭan mêk a nih,” a ta.

1 SAMUEL 6:19

Chun, LALPA bâwm sûng an en leiin Beth-semes khuoa mihai chu a hrem a, anni laia mi sîng nga le sâwmsari zet a hrem a; LALPAIN a hrem nasat êm leiin mihai chu an ṭap a.

NAMBAR 8:18

Chuongchun, Israel thlahai lai nau lutir po po aiah Levi mihai hi ka nei tah a nih.

NAMBAR 8:20

Chuong ang chun Mosie hai, Aron hai, Israel thlahai pung- khâwmhai po po chun Levi mihai chunga chun an thawh a; Levi mihai chungchâng thua LALPAIN Mosie thu a pêk ang po po chun an chungah Israel thlahai chun an thawh a.

FESUOKNA 12:50

Hieng ang hin Israel thlahai po po chun an thawh a; LALPAIN Mosie le Aron thu a pêk ang ngeiin an thawh a.

NAMBAR 1:50

Levi mihai chu inhriettirna biekbûk enkawltua le a thuomhnaw po po le chutaka thil um po pohai enkawltu dingin i ruot lem ding a nih; biekbûk le a thuomhnaw po po chu zâwn hlak an ta, enkawl an ta, biekbûk chu a vêlah um ngha hlak an tih.