NAMBAR 6:2 - Pathien Lekhabu Inthieng (BSI)

² “Israel thlahai kuomah hril la, an kuomah, ‘Pasal amanih, nuhmei amani khawma ieng amanih thutiem bîk, LALPA ta dinga inpêkna Nazarit thutiem ân tiem ding lai chun,

NAMBAR 6:2 ပူးပေါင်းရင်းမြစ်များ

FESUOKNA 33:16

Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭheha kan umna chu keini le i fe ve zingnaa chun a ni naw ding am a nih?” a tih a.

THUVARHAI 18:1

Mi mâni insuktum chun, mâni nuom zâwng ngei chu a zawng a, Varna indik po po a sêlkal hlak.

JEREMIA 35:6

Nisienlakhawm, anni chun an dawn a, “Uoin chu dâwn naw ning ungah; kan thlatu Rekab unaupa Jonadab chun hieng hin thu a mi pêk sih a: ‘Kumkhuoin nangniin amanih, in naupasalhai khawmin amanih uoin hi dâwn ngai naw ti niu a;

LEVI DÂN 20:26

Ka ta dinga mi inthieng in ni ding a nih; kei LALPA chu kân thieng sih a, ka ta in nina dingin hnam danghaia inthawkin ka suktum ta cheu a nih.

LEVI DÂN 27:2

“Israel thlahai hril la, an kuomah, ‘Miin ieng amanih pawimaw bîk chungchânga thu a tiem chun, a mihriem phûtâwk i ruot chu LALPA chanpuol nîng a ta.

NAMBAR 30:3

Nuhmei khawmin a nunghâk laia a pa ina a um laiin LALPA kuom- ah thu a tiem a, a thutiema ân khuokhir a,

NAMBAR 6:1

LALPA chun Mosie a biek a,

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni; a nu phing sûnga inthawkin Thlarau Inthiengin hung sip a tih,

THILTHAWHAI 18:18

Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawng- bauṭhain a ṭheh a, chutaka inthawk chu Suria ram tieng lawngin a fe tah a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:1

Paula, Isu Krista suok, tirko ni dinga ko, Pathien Chanchin Ṭha hril dinga ṭhethlâka um lekhathawn:

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni sih a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

GALATI 1:15

Chun, ka nu phîngsûnga inthawka a mi suktumtu le, a lungin- sietna leia a mi kotu Pathien chun lungnitaka,

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

RORELTUHAI 13:14

Grep hruia inthawk hrim hrim chu a fâk ding a ni nawh a; uoin le zu hrim khawm a dâwn ding a ni nawh, fâk thienglo thil hrim khawm a fâk ding a ni nawh; thu ka ipêk ta po po kha vawngṭha raw se,” a tih a.

RORELTUHAI 13:4

Chuongchun, fîmkhur raw khai, uoin le zu hrim dâwn naw la, fâk thienglo hrim khawm fa dêr naw rawh;

RORELTUHAI 13:5

ngai ta, inrai i ta, naupasal i nei ding a ni sih a, a lua chun bakmêt chem hrim ruoi ni naw nih a, naupang chu sula a um laia inthawkin Pathien ta dinga Nazarit mi a ni ding a ni sih a, ama chun Israel mihai hi Philistin mihai kuta inthawk chun sansuok ṭan a tih,” a tih a.

RORELTUHAI 16:17

Chuongchun, a lungril po po chu a hril ta vawng a, a kuomah, “Ka lua hin bakmêt chem hrim ruoi a la ni ngai nawh a, ka nu sula ka um laia inthawka Pathien ta dinga Nazarit mia hung um ka nih a, tuhin hung invaw ta lang chu ka hrâtna chu bo vawng el a tih; chuongchun, hung hrât nâwng ka ta, mi dang ang bawk hung ni el ka tih,” a tih a.

1 SAMUEL 1:28

Chuleiin, kei khawma LALPA kuomah kân hlân a nih; a dam sûng poa LALPA ta dinga inhlân a nih,” a ta. Chun, chutaka chun LALPA chu a biek a.