NAMBAR 5:23 - Pathien Lekhabu Inthieng (BSI)

²³ Chun, thiempu chun chuong ṭawngsie thuhai chu lekhabuah ziek a ta, khâkna tui chun inchieng a tih:

NAMBAR 5:23 ပူးပေါင်းရင်းမြစ်များ

2 CHANCHIN SUINA 34:24

LALPA chun hieng hin a tih, Ngai ta u, hi hmuna le hi hmun hluotuhai chunga chun thil ṭha naw ka hung intlungtir ding a nih; Juda ram lal hmaa an tiem tah lekhabua khâng ṭawngsiehai po po kha,

JOB LEKHABU (THE BOOK OF JOB) 31:35

Aw ka thu mi ngaipêk ding hi chu um hai sien! (En ta u, hitaka hin ka hming ziek a um a, Iengkimthawthei chun mi dawn raw se;) Ka hmêlmain a ziek, hêkna lekhabu chu nei lang chu aw!

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 51:9

Ka suolnahaia inthawk hin i hmai thup la, Ka rîtlona po po hi thaihmang rawh.

FESUOKNA 17:14

Chun, LALPA chun Mosie kuomah, “Lekhabuah hi hi hriet zing- na dingin ziek la, vân hnuoi po poa inthawkin Amalek hriet zingna hi thaihmang dêr ka tih ti Joshua naa chun inhriettir rawh,” a tih a.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

NAMBAR 5:22

Ṭawngsie intlungtirtu hi tui hi i rilah lût a ta, i phing sukvûng a ta, i êlpui sukchêr a tih, tîng a ta; chun, nuhmei chun, Amen, Amen a lo ti ding a nih.

NAMBAR 5:24

chun, nuhmei chu ṭawngsie in- tlungtirtu khâkna tui chu indâwn- tir bawk a tih: chuongchun, ṭawng- sie intlungtirtu tui chu a phîng sûngah lût a ta, nasatakin hung nâng a tih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

DÂN PAHNINA 31:19

Chuleiin, hla hi in ta dingin ziek la, Israel thlahai chu inchûktir rawh; Israel thlahai chungchâng thuah hi hla hi a mi hrietpuitu a ni theina dingin invawntir rawh.

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmuh a. Chun, mithihai chu lekhabuhaia ziek an thilthaw ang peiin rêlpêkin an um tah a.