NAMBAR 32:23 - Pathien Lekhabu Inthieng (BSI)

²³ Amiruokchu, chuong anga in thaw naw chun, ngai ta u, LALPA chunga suol nîng in ta, in suol chun hmu suok ngei ngei a ti cheu ti hre ro.

NAMBAR 32:23 ပူးပေါင်းရင်းမြစ်များ

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

INṬANNA 4:7

Thil thaw ṭha ni la chu pawm i ni naw ding am a nih? I thaw ṭha naw ruok chun suol chu kawtkhâr bulah a bawk zing a nih; a dit zâwng chu nangma thuhne che a nih a, nisienlakhawm, nangin i thuhne lem ding a nih,” a tih a.

INṬANNA 44:16

Juda chun, “Pu, i kuomah ieng am hril tâng kan ti leh? Ieng am hril kan tih a? Iengtin am in hrilveng tâng kan ti leh? Pathienin i siehlawhai suolna chu a hmu suok tah a ni hi: ngai ta, pu, i suokhai kan ni a ni ta hi, keini le a kuta no an hmuna khawm hi,” a tih a.

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; LALPAIN thil ṭha naw thawtu chu a suolzie ang peiin thung raw se,” a ta.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet loa a thawh a, kâwlhnâma a that leiin LALPAIN a thisen chu ama lu chung ngeiah hung inlêttir a tih.

1 LALHAI 2:33

Chuongchun, an thisen chu Joab lu chung le a thlahai lu chungah kumkhuoin lêt a ta, David chunga dâm, a thlahai chunga dâm, a sûng- hai chunga dâm, a lalṭhungpha chunga dâm ruok chun LALPA kuoma inthawka lungmuongna kum- khuoin um zing lem a tih,” a ta.

INPÂKNA HLABU 139:11

“Matheiloin, inthimin mîn khum zo a ta, Ka vêla var hi zân nîng a tih,” ti ding ni lang,

INPÂKNA HLABU 140:11

Thu ṭha naw hriltu chu hnuoia hin sukdetin um naw nih a, Mi nunrâwng sukse dingin thil ṭha nawin tlâkbuok a tih.

INPÂKNA HLABU 90:8

Kan rîtlonahai chu i hmaah i sieh a, Kan suol iprûkhai chu i hmêl varah i sie tah a.

THUVARHAI 13:21

Thil ṭha naw chun mi suolhai chu a hnawt pei a, Mi fel ruok chu thil ṭhaa thung nîng a tih.

THUVARHAI 24:16

Mi fel chu vawi sari tlu sien khawm a tho nâwk hlak sih a, Mi khawhlohai ruok chu lung- zîngnaa pei thlûkin an um.

THUVARHAI 5:22

Mi khawhlo chu ama khaw- hlona ngei chun lâng a ta, A suolna hruihai chun ama khit tlat nîng a tih.

ISAI 3:11

Mi suol chung chu a rik de! An la se ding a nih; an kuta thilthaw thung- na chu an kuoma pêk a la ni ding a ni sih a.

ISAI 59:12

Kan bawsietnahai hi i hmaah a pung ta sih a; kan suolnahai hin a mi hêk hlak a nih: kan bawsietnahai hi kan kuomah a um zing sih a, kan khawhlonahai chu kan hriet a nih:

JONA 1:7

Chun, “Hung ta u, hi thil ṭha naw ei chunga hung tlung hi tu lei am a na ti ei hriet theina dingin, ai sân ei tiu,” tiin an inbiek tâwl a. Chuongchun, ai chu an sân a, aisân chu Jona chunga chun a tlu tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:9

Rinumna le lungngaina nasatak, mihriem thil suksuol pohai thlarau chungah um a ta, Juda mi thlarau chungah um hmasâng a ta, chun, Grik mi thlarau chungah um nâwk a tih.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

JOSUA 7:18

Zabdi sûnghai chu a khât khâtin a hung inlangtir nâwk a; chuongchun, Juda chia mi Zera naupa, Zabdi, chu naupa Karmi,